Around GMA

Article Inside Page

Namayapa na ang ama ng dating aktres na si Neri Naig base sa Instagram post nito noong Lunes, November 20.

Saad ni Neri, dadalawin sana niya ang kanyang ama para ipakita ang anak nitong si Miggy pero hindi na sila nag-abot.

Matagal na rin daw niyang napatawad ang ama. Hindi man nakita ng kanyang ama ang anak nito, ikukuwento naman niya lahat ng masasayang ala-ala nito rito.

 

Hi, Dad! Marami akong gustong sabihin sa'yo. May letter ako na di matapos tapos para sa'yo. Lahat lahat gusto kong sabihin sa'yo. Few days ago naglilinis ka daw ng bahay kase sabi mo daw may bisita ka, uuwi daw ako. Wala akong pinagsabihan na uuwi ako. Dadalawin ka talaga namin para ipakita ang apo mo at mapiktyuran ko kayo kase sabi ko sa asawa ko at kay Mommy na baka di ko maabutan. Hindi ko alam kung bakit ko nasabi yun. Hindi tayo nagka abot. Pero matagal na kitang pinatawad. Si Miggy pala, Dad, ang anak ko. Hindi mo man siya nabuhat pero paglaki niya, ikukuwento ko lang lahat ng masasayang ala ala ko sa'yo.

A post shared by Neri Miranda (@mrsnerimiranda) on Nov 20, 2017 at 7:09am PST

Nagpasalamat din si Neri sa mga nagdarasal at sumusuporta sa kanya.

Nakalagak ang mga labi ng kanyang ama sa Olongapo Memorial Chapels sa Santa Rita, Olongapo City hanggang mamayang gabi, November 23.