Around GMA

Article Inside Page

Naging matipid ang sagot ng One of the Baes lead actress na si Rita Daniela sa diumano'y pang-iisnab ng Kapamilya actress na si Alex Gonzaga sa kanila ni Ken Chan nang magpang-abot sa isang airport lounge.

Rita Daniela

Hindi nawaisan ng press na tanungin sina Rita at Ken tungkol sa isyu sa naganap na One of the Baes press conference nitong Miyerkules, September 25.

Maingat na sagot ni Rita, “Unang-una po, hindi naman na po dapat gawing issue kasi wala rin naman po 'yun para sa 'min ni Ken.

“At sana 'wag na lang po nating palakihin pa, tapos na po 'yun.

“Okay na po kami ni Alex, nakapag-usap na po kami, 'yun po ang pinakaimportante.”

Diin pa ng aktres, “Wala naman pong mas dapat parang-i-OA pa.

“All is well, and kung ano man po ang nangyari nung gabi na 'yun, naiintindihan po namin 'yun ni Ken kasi kami rin bilang artista…

“Maaring nung mga panahon na 'yun, may pinagdadaanan lang siya or pagod siya at naiintindihan din po namin 'yun kasi sa 'min din nangyayari rin po 'yun.”

Pagkatapos ay muling sinabi ni Rita, “Sana po 'wag na po natin mas palakihin pa.”

Mariing namang pinabulaanan ni Alex ang nasabing snubbing incident at ibinahagi na nakipagkamay siya kina Rita at Ken nang magkakitaan.

Nagsimula ang issue ng mag-post ang showbiz columnist na si Lolit Solis tungkol sa issue.

View this post on Instagram

Naku talagang dapat siguro pag nasa traffic ako huwag ako mag-type ng post ko Salve. Mea Culpa talaga dahil ewan ko ba kung bakit Dormitorio nasa utak ko, pero Doctolero na type ko. Pero no amount of apology can undo the harm ng kabobohan ko. So sorry po, Darwin Dormitorio ang pangalan ng namatay na PMA cadet, siguro ayaw ni Brando ng publicity kaya nagkamali mali ako, heh heh joke po. Talaga pong kasalanan ko. In regard po sa pangyayari kay Alex Gonzaga, Rita Daniela at Ken Chan, sumusumpa po ang source ko na tutoo daw nangyari ang bagay na iyon. Hindi ko gusto siraan si Alex, actually nga ang gusto ko pagalitan sila Rita at Ken dahil for me, you treat yourself better para hindi ka ma-snob. Very demeaning na gawin ng isang kapwa mo artista ang ginawa ni Alex, pero karapatan niya kung ayaw niya makipag-chica. Hindi ko naman sinasabi na dapat feeling big stars din sila Rita at Ken pero sa mga okasyon na ganun, isipin mo rin na dala mo ang bandera ng GMA at para sa isang ABS star na umasta ng ganun para bang ano 'you feel we are smaller' ang dating. Tama rin iyon iba bakit para bang mas affected ako. of course, dahil hindi ba para kayong neighbors na dapat mabait sa isa't isa. Na dapat pag magkakasabay kayo sa isang lugar pare-pareho kayong representative ng showbiz, walang mataas o mababa, walang mas sikat o baguhan? Si Coco Martin kahit saan makakita ng taga-showbiz, kahit hindi niya kilala, binabati niya, pakita sa mga tao na iisang mundo silang lahat na artista, walang ABS o GMA. Iyon lang ang hinanap ko kay Alex Gonzaga. At kung totoo na hindi nangyari, mas mabuti, dahil at least na clear niya. Pero sabi ng source ko, kaya niya humarap kay Alex. So be it. #classiclolita #takeitperminute #72naako

A post shared by LolitSolisOfficial (@akosilolitsolis) on Sep 24, 2019 at 6:14pm PDT

ABANGAN: 'One of the Baes' full trailer mapapanood na mamaya!

WATCH: Ken Chan, hinangaan sa Thailand dahil sa pagkanta ng isang sikat na Thai song

'One of the Baes' cast, namahagi ng good vibes sa mga marino