Wala na atang mas gugulo pa sa pagsasama nina Rochelle Pangilinan at Max Collins dahil gaganap sila bilang dalawang misis na may iisang mister at magsasama sa iisang tirahan. ‘Yan ang kuwentuwaang ating susundan sa Dear Uge ngayong Linggo, July 31.
Si Victoria (Rochelle) ang common-law wife ni Joselito (Mike Tan), habang kabit naman ng kanyang mister si Amanda (Max) na hinayaan niyang manirahan kasama nila para hindi siya hiwalayan ng kanyang asawa.
Kahit nais nilang magsama ng mapayapa ay nagkakapikunan sila. Sa lumaon ay makakahanap sila ng paraan para magkasundo ngunit may panibagong hamon silang kakaharapin. Magsama-sama pa rin kaya sila sa ilalim ng iisang bubong?
Abangan ang kahahantungan ng ‘Krisis ng Dalawang Misis’ ngayon Linggo, July 31, sa Dear Uge, pagkatapos ng Sunday PinaSaya.
