Around GMA

Article Inside Page

Masayang ibinahagi ng Kapuso actor na si Kristoffer Martin sa kanyang Instagram story ang naganap na “mini reunion” sa kapwa cast ng hit teen romance-drama series na 'Reel Love presents Tween Hearts'.

Sa IG story ni Kristoffer, kasama niya sina Kapuso Primetime Princess Barbie Forteza, Asia's Multimedia Star Alden Richards, at ang former co-star nilang si Bea Binene.

“Reunion ha,” sulat ni Kristoffer sa kanyang Instagram story.

View this post on Instagram

A post shared by gmanetwork (@gmanetwork)

Nagkita ang apat sa launching ng bagong fast-food branch ni Alden sa hometown nito sa Sta. Rosa, Laguna.

Nagpaabot naman ng pagbati sina Barbie, Kristoffer, at Bea sa kani-kanilang mga Instagram stories sa kanilang kaibigan at former co-star na si Alden.

“Ang ganda ng McDo mo, boiii! Congrats @aldenrichards02,” sulat ni Kristoffer sa kanyang Instagram story.

Source: kristoffermartin_

“Congrats, papa @aldenrichards02,” sabi naman ni Barbie.

Source: barbaraforteza

“Congratulations @aldenrichards02,” pagbati ni Bea.

Source: beabinene

Noong 2010, ang hit series na 'Reel Love presents Tween Hearts' na idinerehe ng sikat na direktor na si Gina Alajar, ay umiikot sa kuwento ng mga kabataang nakahanap ng romance noong sila ay high school.

Matatandaang bumida rito si Barbie bilang si 'Bambi.' Nakapareha niya rito ang aktor na si Joshua Dionisio.

Ginampanan naman ni Bea ang karakter ni 'Belle' na katambal naman ng karakter ni Kapuso actor Jhake Vargas.

Si Kristoffer naman ang gumanap bilang si 'Chris'. Nakatambal niya rito ang aktres na sj Joyce Ching.

Ang karakter naman ni 'Dennis' ang ginampanan ni Alden sa naturang serye.

Kasama nila ang iba pang mga stars tulad nina Derrick Monasterio, Louise Delos Reyes, Lexi Fernandez at iba pa.

Ang seryeng ito ay isa sa mga projects na nagbukas sa mas marami at mas matagumpay na showbiz career para sa apat.

Related Gallery: Reel Love Presents Tween Hearts Cast