Max Collins, kinumpirmang divorced na kay Pancho Magno
Photo Inside Page
Photos
“We are legally separated na. Yes, it's official na.”
Ito ang kumpirmasyon ng Sparkle actress at lifestyle influencer na si Max Collins nang makapanayam ng 24 Oras tungkol sa divorce nila ng ex-partner na si Pancho Magno.
Ayon sa report ng "Chika Minute" nitong Sabado (November 9), naaprubahan na sa Amerika noong isang buwan ang paghihiwalay nila ni Pancho. Dahil isang American citizen si Max, puwede siya mag-file ng divorce.
Kahit nauwi sa hiwalayan, maganda ang co-parenting set up nila Max at Pancho. Lahad ng Kapuso actress sa GMA Integrated News, “We want to show people that you can be like us. I mean it's possible.”
Ikinasal si Max kay Pancho noong 2017 at isinilang naman niya si Skye Anakin noong July 2020.
Bukod sa pagiging nanay, isang certified “mompreneur” din si Max na kasosyo si Michelle Dee sa isang health and wellness company at magbubukas din siya ng Airbnb sa isla ng Boracay.
Ini-launch din siya kamakailan kasama si Ruru Madrid bilang brand ambassador ng global watch brand Titan.
“It's so nice to juggle all of these different hats. I'm growing more as a woman through these different challenges that I have been facing.” paliwanag niya kay Aubrey Carampel.
NARITO ANG ILAN PANG CELEBRITY COUPLES NA NAG-FILE NG ANNULMENT O DIVORCE:
