Relationship
Polo Ravales and Paulyn Quiza are now married!
Photo Inside Page
Photos
Ikinasal na ang The Master Cutter actor na si Polo Ravales at ang kaniyang non-showbiz partner na si Paulyn Quiza!
Nag-post ng ilang litrato at video si Polo sa Instagram Stories mula sa kanilang kasal na ginanap nitong Linggo, May 24. Ilan sa mga post ng aktor sa social media, kuha pa mismo ng kaniyang co-star na si Dingdong Dantes.
Bukod sa kaniyang Instagram Stories, nag-post din ng ilang litrato si Polo mula sa kanilang pre-wedding photoshoot. Sa comments section, marami ang bumati sa bagong kasal at nagbigay ng kanilang congratulatory messages.
Taong 2018 nang ma-engage sina Polo at Paulyn. At pagkatapos ng tatlong taon, ipinanganak ang kanilang panganay na si Yatrick Paul.
Samantala, napapanood ngayon sina Polo at Dingdong sa GMA Prime series na The Master Cutter kung saan ginagampanan niya ang role ni Paldo Castro.
KILALANIN ANG NAPANGASAWA NI POLO NA SI PAULYN SA GALLERY NA ITO:
