Is there a brewing romance between Benjamin Alves and model Chelsea Robato?
Around GMA
Around GMA
Top US Catholic cardinals question morality of American foreign policy Lalaki patay sang gintiro sang gwardiya nga iya ginbuno sa Barotac Nuevo | One Western Visayas Philippine flag carrier celebrates 85th anniversary with new aircraftArticle Inside Page
Showbiz News
Benjamin Alves and model Chelsea Robato share sweet moments at the latter's birthday party.
Tila may namumuong espesyal na relasyon sa pagitan ng aktor na si Benjamin Alves at model na si Chelsea Robato.
Sa ilang Instagram Stories ng huli, na kuha mula sa kanyang birthday celebration, kapansin-pansin na sobrang sweet sila sa isa't isa.
Sa mga larawan na kanyang ipinost, makikita na madalas silang magkatabi ni Benjamin habang nagkakasiyahan sa kanyang birthday party na ginanap sa isang restobar sa Bonifacio Global City, Taguig, noong Biyernes, July 12.
Sa isang video sa Instagram stories ni Chelsea, mapapanood na binigyan niya ng halik sa pisngi ang aktor matapos siyang batiin ng “happy birthday.”
Pinangunahan din ni Benjamin ang pagkanta ng “Happy Birthday” bago ang tradisyunal na pag-ihip ng kandila sa cake.
Sa Instragram story ni Ben, isang mala-photobooth na mga larawan nila ni Chelsea ang kanyang ibinahagi.
Samantala, sa thank you message ng model na si Chelsea, nangunguna ang larawan nila ni Benjamin.
Dahil sa sweet moments na ito nina Benjamin at Chelsea, mas umingay ang bali-balitang may relasyon na ang dalawa.
Lalo pa't ito ay kasunod ng sunud-sunod na pag-comment ng aktor sa mga nakaraang post ni Chelsea.
Sa katunayan, sa isa sa mga ito, inilarawan ni Benjamin si Chelsea bilang “my favorite person.”
Si Chelsea na nga kaya ang nagbibigay inspirasyon ngayon kay Benjamin kaya muli siyang napasulat ng tula?
