Around GMA

Article Inside Page

Ipinagtanggol ni Clara Ramos ang anak na si Rhian Ramos kasunod ng matinding pambabatikos na natanggap ng aktres dahil sa kinakaharap nitong isyu ngayon.

Matatandaang lumapit sa National Bureau of Investigation (NBI) para magreklamo ang dating driver ng aktres na si alyas Totoy matapos diumanong ikinulong siya ng tatlong araw at binugbog nina Rhian, Michelle Dee, ang beauty queen na si Samantha Panlilio, at dalawang bodyguards.

Nagbigay din ng tulong nila kay Totoy ang Volunteers Against Crime and Corruption (VACC) dahil sa naturang reklamo.

Sa Fast Talk with Boy Abunda nitong Lunes, ibinahagi ni King of Talk Boy Abunda ang statement ni Clara sa Instagram.

“I don't understand the VACC's support for a lying thief. Nagpa-interview pa left and right, dishing out unverified information. It has helped fuel this social media frenzy, leaving the ones stolen from and betrayed to be victimized even more by depraved imaginations with stories morphing like cancer,” sabi ni Carla.

Hindi niya umano matiis ang pag-teardown ng netizens sa kanyang anak para sa mga bagay na hindi naman nito ginawa.

“Watching the internet tear my daughter apart for things she didn't do. She doesn't deserve this. Sure, through the years we know bashers will bash, but this? This is brutal, and whoever's running this show is sick!” sabi ni Carla.

BALIKAN ANG ILAN SA MGA HIGH-PROFILE LIBEL COMPLAINTS SA PHILIPPINE SHOWBIZ SA GALLERY NA ITO:

Samantala, sa statement na ipinadala ni VACC President Boy Evangelista sa programa, pinanindigan nila ang suportang ibinigay kay Totoy, at sinabing walang kakayanan ang dating driver ng aktres na makapagsalita.

“As we speak today, February 2, 2026, alias Totoy has no lawyer or legal counsel. Totoy has no voice. His story cannot be heard in contrast to the accused who (are represented by) a law firm fully equipped with legal wisdom,” sabi ni Evangelista sa kanyang pahayag.

Pagpapatuloy pa niya, “VACC under my leadership has the duty to speak on behalf of a victim complainant just to equalize the playing field against the powerful, rich, and famous and lots of social media followers. VACC is mandated to protect (and) defend someone like Totoy who is obviously the underdog and VACC will stand up for Totoy because it is a fight between David and Goliath.”

Sa panayam ng programa kay Evangelista, sinabi niyang naiintindihan niya ang sentimyento ni Clara, at maging ni Melanie Marquez na ina ni Michelle, bilang isa ring magulang. Ngunit nanindigan ang VACC President na tungkulin pa rin nila na tulungan at depensahan ang kagaya ni Totoy na walang kakayahang kumuha ng abogado.

Pagtitiyak naman ni Evangelista, personal niyang na-cross examine si Totoy bago nabuo ang kanilang desisyon na tulungan ito sa NBI.

Panoorin ang pagbahagi ng statement ni Clara dito: