Around GMA

Article Inside Page

Masayang nakapanayam ni Boy Abunda ang tatlong naggagandahan at talented na mga aktres na sina Rhian Ramos, Max Collins, at Michelle Dee sa programang Fast Talk with Boy Abunda ngayong Miyerkules (January 31).

Bukod sa kanilang kagandahan at talento, kilala rin sina Rhian, Max, at Michelle dahil sa kanilang nabuong pagkakaibigan.

Isa sa mga tanong ng “King of Talk” para sa guest stars ay kung ano ang dasal nila para sa isa't isa.

Ayon kay Rhian, isa sa mga dasal niya para sa kanyang mga kaibigan ay ang matupad ang kanilang mga pangarap.

“Lord, please make all of their dreams come true and may they be loved and respected by everyone the way I feel about them,” pagbabahagi niya.

Ang panalangin naman ni Max para kina Rhian at Michelle ay mahanap nila ang “inner peace” at contentment sa buhay.

Aniya, “My prayer for you guys is that you both find peace and contentment because career is there but siyempre I want you guys to feel that inner peace talaga and be truly happy and content in life.”

Para kay Michelle, ang kanyang dasal para kina Rhian at Max ay makamit nila ang tagumpay na kanilang inaasam.

“Honestly, Lord, please give all of them the success they deserve. The success, happiness, and contentment in life. I hope that in 10 years, all of you can really say that you have accomplished everything you have dreamed of,” saad niya.

Bago natapos ang programa, binigyan din ng pagkakataon sina Rhian, Max, at Michelle na magtanong ng hindi pa nila naitatanong sa isa't isa.

Una na rito si Rhian at tinanong kina Max at Michelle, “May same person na ba na nanligaw sa inyong dalawa?”

Sumunod naman si Max at tinanong ang kanyang dalawang kaibigan at kapwa mga aktres, “How's your favorite inaanak?”

“How much do you love me?” tanong naman ni Michelle kina Max at Rhian.

TINGNAN ANG BEAUTIFUL FRIENDSHIP NINA RHIAN RAMOS, MICHELLE DEE, AT MAX COLLINS SA GALLERY NA ITO.