Around GMA

Article Inside Page

Bumuhos ang pagmamahal para sa multi-awarded actor-host na si Dingdong Dantes sa pagdiriwang niya ng kanyang 46th birthday nitong Linggo, August 2.

Sa special report ng 24 Oras, ipinasilip ang ilan sa sweet messages ng co-stars niya sa The Master Cutter.

Ayon sa seasoned actress na si Rio Locsin na gumaganap na Manang Cita sa serye, manghang-mangha siya sa dami ng roles na ginagampanan ni Dingdong.

Aniya, “Happy, happy birthday! Alam mo, bilib na bilib ako sa'yo kasi hindi ka lang artista. [Ang dami mo pang] ginagampanan na role.”

Tumanaw naman ng utang na loob si Jo Berry, na gumaganap bilang Ame, sa Kapuso primetime actor sa maayos na pakikisama nito sa kanya. Sabi niya, “Happy, happy birthday, Atoy! Thank you, Kuya Dong sa napakagandang trato mo sa akin. Natupad 'yung wish ko na makatrabaho ka.”

Source: 24 Oras

Meron din heartwarming greetings ang young co-stars ni Dong sa GMA Prime series na sina Sienna Stevens at Ericca Laude.

Samantala, pinili ni Dingdong Dantes na magdiwang ng kanyang 46th birthday sa California. Ayon sa birthday boy, masaya siyang nagkaroon sila ng movie date ng misis na si Marian Rivera.

Pinanood nila ang box office film na The Odyssey sa Chinese Theatre sa Hollywood.

Kuwento ni Dingdong sa sweet bonding nila ni Marian, “Birthday wish granted. A rare movie date with my love. The Odyssey in IMAX 70mm at the Chinese Theatre in Hollywood.”

Dagdag niya, “After months of nonstop work, this was exactly the breather I needed, made even more special by sharing it with her. And somewhere between the first frame and the last, I remembered why I fell in love with making movies in the first place.”

Super blessed ang Kapuso actor sa sunod-sunod niyang projects.

Bukod sa The Master Cutter at Family Feud, host din siya ng reality singing competition na The Voice Kids PH. May pelikula din sila ni Marian na Remember kung saan reunited sila ng Rewind director na si Mae Cruz-Alviar.

RELATED CONTENT: Things you need to know about Dingdong Dantes