Around GMA

Article Inside Page

Sa loob ng Pinoy Big Brother house, hindi maiiwasan ang mabuo ang isang love team sa pagitan ng mga housemates.

Pero ayon sa Pinoy Big Brother: Celebrity Collab Edition housemate na si River Joseph, nanatiling loyal at sweet boyfriend siya kaniyang girlfriend at kapwa aktres na si Gela Alonte.

Sa pagbisita ni River, kasama ang ka-duo niya na si AZ Martinez, sa Fast Talk with Boy Abunda nitong Miyerkules, July 23, kinamusta ni King of Talk Boy Abunda ang lagay ng relasyon ng aktor kay Gela.

“Ako, siyempre, super happy to be with her. After four months inside, I feel like right now we're stronger than ever because we're able to withstand [those] four months of no communication,” sabi ni River.

Binalikan din ng batikang host ang mga napansin na signals umano ni River sa kaniyang girlfriend. Isang “senyales” ng aktor, ang paglagay niya ng number 12 sa tumbler na petsa ng kanilang monthsary.

Pagpapatuloy pa ng aktor, “While I was inside the house rin, binilin ko 'yung sister ko na if she could send flowers every time it's our monthsary, just to remind her na mahal ko pa rin siya.”

SAMANTALA, BALIKAN ANG BIG FOUR DUOS SA GALLERY NA ITO:

Sinagot din ni River ang pamba-bash na natanggap ni Gela mula sa netizens. Napansin umano kasi ng mga tao na tila nakukuha nito ang spotlight mula sa aktor.

Payo ni River sa kaniyang girlfriend, “I just told her na, 'Don't listen to them, you know what the truth is naman. Focus on what's real.'”

Nilinaw din ng aktor na wala siyang naging crush kahit sino mula sa kaniyang housemates. Pag-amin pa ni River, nakikita niya ang kaniyang girl housemates bilang sisters.

“That's the relationship I built with them inside the house,” sabi ng aktor.