Robin Padilla, may mensahe sa father-in-law matapos ang 8 taon at higit 3 visa applications
Around GMA
Around GMA
Rachel McAdams is honored with a star on Hollywood's Walk of Fame 900 pamilya sa Albay na apektado ng Bulkang Mayon, hinatiran ng tulong ng GMAKF | 24 Oras Rider who obstructs firetruck in Bacolod City identifiedArticle Inside Page
Showbiz News
HIndi pinalagpas ni Robin Padilla na batiin at magbigay ng mensahe sa ama ng asawang si Mariel Padilla matapos ang ilang taon na pagsubok makilala ito ng personal.
Sa wakas, nakilala na rin nang personal ng aktor na si Robin Padilla ang ama ng kanyang asawang si Mariel Padilla.
LOOK: Robin Padilla meets Mariel Rodriguez's dad for the first time
Naka-base kasi sa Amerika ang pamilya ni Mariel, kabilang na ang kanyang amang si Abelardo Termulo.
Sa isang salu-salong inihanda ni Mariel para sa pagbisita sa Pilipinas ng kanyang pamilya nagkita sa unang pagkakataon ang mag-biyenan.
"After 8 years @robinhoodpadilla and my Dad finally meet ️️️ my heart is full. Thank you so much to everyone in my family for being so supportive of this moment. It means so much to me," sulat ni Mariel sa kanyang Instagram account.
"My 2018 is complete. I have been waiting for this day for 8 years... thank you God for giving it to me," dagdag pa niya.
Lubos ding ikinagalak ni Robin ang pagkakataong makilala ang pamilya ni Mariel, lalo na ang ama nito.
"Sa ngalan ng Allah ang pinakamapagpala at ang pinakamahabagin. Sa Nag iisang Panginoong maylikha lamang ang pagpupuri. Isang napakahalagang tagpo sa aking buhay ang naganap at natupad nitong kapaskuhan God is great !!! Pagkatapos ng higit sa 8 taon na paghihintay at mahigit na tatlong visa application sa US Embassy upang makilala at hingin ang kamay ni mariel sa kanyang Ama na si Ginoong Abelardo Termulo ay nakapag MANO na rin ako sa kanyang kanang kamay at marinig ang kanyang bilin at pagsanggayon sa aking mga Hangarin sa kanyang mahal na Anak GOD is great," sulat niya.
"Isa pong karangalan ang makamayan kayo sir Abelardo Termulo idol ko po kayo sa inyong pakikipagsapalaran sa Dayuhang Bansa ng Estados Unidos 🇺🇸 ang inyong sipag at tiyaga lalo sa pagiging isang Ama at isang Anak ay inspirasyon sa mga kalalakihan ng las islas Pilipinas 🇵🇭 Mabuhay po kayo DAD! Salamat po sa pagpaparamdam sa amin lahat ng tunay na mensahe ng Pasko. Mula sa inyong anak na muslim Maligayang Pasko ko po sa inyo at sa buong Pamilya ng Termulo. Glory be to God/SubhanaAllah," pagpapatuloy ni Robin.
Matatandaang ikinasal sina Robin at Mariel noong 2010 sa isang pribadong seremonya sa India.
Ipinanganak naman ni Mariel ang kanilang anak na si Maria Isabella sa Amerika noong 2016 pero hindi siya nasamahan ni Robin dahil sa ilang isyu sa kanyang visa application.
