Rochelle Pangilinan, nagbahagi ng 'Child No. 82' bloopers
Around GMA
Around GMA
No winners of major lotto draws on Friday, May 1, 2026 OFWs repatriated due to Middle East crisis welcomed at job fair Six PH universities make it on Times Higher Education University RankingsArticle Inside Page
Showbiz News
Ipinakita ni Rochelle Pangilinan ang good vibes sa set ng 'Child No. 82.'
Lubos na nag-enjoy si Kapuso actress Rochelle Pangilinan sa shooting ng Cinemalaya entry film na Child No. 82.
Dream come true para kay Rochelle na mapabilang sa isang Cinemalaya film at lalo pang naging espesyal ang experience niya dahil sa mga nakatrabaho niya dito.
Sa kanyang Instagram account, ibinahagi niya ang isang blooper ng eksena niya kasama sina JM Ibarra at Irma Adlawan.
Makikita ditong nagtatawanan sina Rochelle at Irma matapos magbitaw ang isang linya ang beteranang aktres.
Maririnig din na tumatawa kasama nila ang ilang miyembro ng crew.
"Action, drama at comedy.. Dito muna tayo sa comedy na hindi kinaya ang eksena! Kakaldag na sana.. @irma_mahlee @jmdibarra," sulat ni Rochelle sa kanyang post.
Ang Child No. 82 ay kuwento ni Max (JM Ibarra), binatang kailangan patunayan na siya ang ika-82 anak ng yumaong sikat na action-fantasy movie star na si Maximo "Boy Kana" Maniego Jr. (Vhong Navarro) para makatanggap ng porsiyento ng pamanang iniwan nito para sa mahigit 80 niyang mga anak.
Gaganap si Rochelle bilang nanay ni Max sa pelikula.
Isa ito sa sampung full-length entries para sa 21st Cinemalaya Philippine Independent Film Festival.
Ang tema ng Cinemalaya ngayong taon ay "Layag sa alon, hangin, at unos."
Tatakbo ang prestihiyosong film festival mula October 3 hanggang October 12 sa Shangri-La Plaza.
Mapapanood ang Child No. 82 sa mga sinehan simula October 4.
