Rochelle Pangilinan, titira sa haunted house sa 'Magpakailanman
Around GMA
Around GMA
Katrina Halili revives Black Darna outfit on 40th birthday Man nabbed for illegal possession, sale of snake in Tagum NAIA Terminal 1 steps up game for migrant workers with upgraded OFW LoungeArticle Inside Page
Showbiz News
Gaganap si Rochelle Pangilinan bilang caretaker ng isang haunted house sa 'Magpakailanman.'
Bibida sa Kapuso actress Rochelle Pangilinan sa isang nakakakilabot na bagong episode ng real life drama anthology na Magpakailanman.
Pinamagatang "Haunted House for Rent," gaganap dito si Rochelle bilang single mother na si Grace.
Dahil sa kakulangan ng pera, mapapalayas sila sa kanilang inuupahang apartment.
Buti na lang, iaalok sa kanya ng isang kaibigan na maging caretaker ng isang lumang bahay.
Sa paglipat niya doon kasama ang kapatid at anak niya, makakaranas sila ng kakaibang mga pangyayari.
May mga masasamang espiritu nga ba sa bahay na ito? Paano ililigtas ni Grace ang pamilya mula sa mga kalabang hindi niya nakikita?
Bukod kay Rochelle, bahagi rin ng episode si Vaness del Moral at Marco Masa.
Abangan ang brand-new episode na "Haunted House for Rent," September 21, 8:15 p.m. sa Magpakailanman.
Naka-livestream din nang sabay ang episode sa Kapuso Stream.
