Around GMA

Article Inside Page

Isang love story across space and time ang aabangan sa Chinese romance fantasy series na The Love Knot.

Kuwento ito ni Macy, isang pagkaraniwang intern sa magazine na maaatasang interbiyuhin si Gene Helan na isa namang antiques collector.

Hindi alam ni Macy na malalim pala ang koneksiyon niya sa misteryosong lalaki. Noong unang buhay kasi ni Macy, kinain ni Gene ang kanyang atay bilang lunas sa kanyang pagkabulag.

Si Gene ay isang 1,000-year-old alien fox na ipinanganak na may kakaibang kondisyon sa mata.

Sa unang pagkakailala pa lang nila, minahal na ni Gene si Macy sa pag-aakalang ito ang babaeng ipapakasal sa kanya.

Hindi niya alam na balak pala ng kanyang mga magulang na kunin ang atay ni Macy para gawing gamot sa kanya.

Dahil dito, ang bawat reincarnation ni Macy ay hindi mabubuhay ng lagpas 25 taong gulang.

Matapos ang ilang reincarnation, matatagpuan ulit ni Gene si Macy. Nais niyang itama ang kasalanang nagawa sa dalaga at matanggal ang sumpa rito.

Magtatagumpay kaya si Gene sa lifetime na ito? Muli ba nilang mababalikan ang kanilang dating pag-iibigan?

Ang Chinese singer at actress na si Victoria Song ang gaganap bilang Macy. Nakilala siya noon bilang miyembro ng K-pop girl group na f(x). Aktibo siya ngayong bilang aktres, singer at host sa China.

Si actor and model Johnny Huang naman ang gaganap bilang si Gene Helan.

Abangan ang kanilang supernatural love story sa The Love Knot, ngayong May na sa GTV.