Roselle Monteverde, proud sa pagbabalik ng 'Shake, Rattle & Roll'
Around GMA
Around GMA
Signal lost with jet carrying Libyan army chief over Ankara, Turkey says 'Boga' hurts 2 kids in Iloilo; hit in the eyes Christmas gift ideas for your girl bestiesArticle Inside Page
Showbiz News
'Shake, Rattle & Roll: Extreme' ang unang pelikulang prinodyus ng Regal Entertainment para sa cinema release simula nang mag-pandemic.
Maituturing na isang selebrayon ang muling pagbabalik ng movie franchise na Shake, Rattle & Roll sa mga sinehan.
Ang bagong Shake, Rattle & Roll: Extreme ay ipalalabas na sa mga sinehan sa November 29. Ito ay bahagi ng 60th anniversary ng production company na Regal Entertainment.
Sa ginanap na press conference nito kahapon, October 14, ipinagmalaki ng film producer na si Roselle Monteverde ang bago nilang pelikula.
Aniya, “Hndi naman lahat ng Regal [films] napapanood ko. Pero kapag Shake, talagang napapanood ko 'yan every year. I'm so happy that na I have all these talented artists with me, and of course, the directors. I'm really so happy that I can see a lot of you here supporting Shake, Rattle & Roll.”
Nabanggit din niya na, “It's our first sa cinema since the pandemic. Ito ang first movie na ire-release namin since the pandemic. Kasi, most of the movies that we did were for streaming platforms. Kaya I'm really hoping talaga for your support.”
Ayon kay Roselle, ang Shake, Rattle & Roll: Extreme ay sadyang ginawa para sa cinema release.
Paliwanag niya, “We made this movie talaga for the audience to have that cinema experience. Talagang sulit siya, sa casting pa lang, di ba, the directors, and of course, the three stories.
“Siyempre, Shake, Rattle & Roll always has three stories, pero talagang pinag-usapan at pinag-isipan ang mga kuwento rito. Siyempre, you expect monsters, suspense, horror, and nakakatuwa and nakakatakot. Lahat na lang ng emosyon nandito.”
Kaya naman hiling ni Roselle, “I really hope for all your support sa pelikulang first namin since pandemic and, actually, our 60th anniversary din. So, ang daming dapat i-celebrate.”
Ang Shake, Rattle & Roll: Extreme ay binubuo ng tatlong episode--ang “Glitch,” “Mukbang,” at “Rage,” na idinirehe nina Richard Somes, Jerrold Tarog, at Joey de Guzman.
TINGNAN ANG MGA KAPUSONG KASAMA SA SHAKE, RATTLE & ROLL: EXTREME DITO:
"Walang kaming panghihinayang."
Bagamat hindi napili sa official entries ng Metro Manila Film Festival ngayong 2023, positibo naman ang producers at actors ng Shake, Rattle & Roll: Extreme na tatangkilikin pa rin ng mga manonood ang kanilang pelikula.
Sa palagay ni Iza Calzado, na bibida sa episode na “Glitch,” “Kahit ano po ang playdate ng Shake, Rattle & Roll, mayroon at mayroong manonood because, like what Phi [Palmos], malakas ang kanyang cultural impact. Kasi, kapag sinabi mong Shake, Rattle & Roll, franchise na siya, e. Kahit December, summer… wala naman tayong winter o spring. Pero kahit anong season siya, anong month, mayroon at mayroong manonood.
"Naniniwala rin kasi ako na this is God's decision for our film. With grace and gratitude, I think, this is the best playdate for Shake, Rattle & Roll."
Sa huli, sabi ni Iza, "Of course, hihilingin namin na sana tangkilikin n'yo po ang aming pelikula. So, wala kaming panghihinayang kung di gratitude lang at saka excitement para sa November 29."
