Around GMA

Article Inside Page

Kilala bilang mga orihinal na reyna ng hugot songs, hindi na bago para kina Born to Shine stars Roselle Nava at Tina Paner ang kumanta ng mga awiting pang-broken-hearted.

Kaya naman, tanong ni King of Talk Boy Abunda sa Fast Talk with Boy Abunda nitong Huwebes, paano nga ba hinaharap nina Roselle at Tina kapag puso naman nila ang nasaktan?

Pag-amin ng dalawang batikang singers, hindi nila pinapakinggan ang sariling mga awitin kahit pa broken sila.

Ani Tina, “Ako, nasa loob lang ng room, nagkukulong ako, tapos makikinig ako sa ibang songs na malulungkot.”

TINGNAN ANG ILAN SA MGA BAGONG LOVE AND HEARTBREAK SONGS NG GMA PLAYLIST SA GALLERY NA ITO:

Tinanong din ng batikang host kung totoo ba ang paniniwala ng marami na mas madaling kumanta ng heartbreak song kaysa love song. Ayon kay Roselle at Tina, pareho lang naman ito para sa kanila.

“You just need to know the song that you're singing and then prepare for it kaya pareho lang siyang madali,” giit pa ni Roselle.

Sinabi niya rin na mas madali na lang para kanya ang kumanta ng heartbreak songs dahil ito na ang nakasanayan niya.

“But I also enjoy singing inspiring songs, parang feel good na mga songs na kapag narinig mo, 'Uy, nata-touch ako,'” saad pa ni Roselle.

Pagbabahagi naman ni Tina, “Basta ang importante, lagi kailangan, when you sing, it comes from the heart.”