Around GMA

Article Inside Page

Unang tanong pa lang, puno na agad ng hugot vibes ang GMA Comedy game show na The People Have Spoken.

Nitong Sabado (July 25), humarap ang People at celebrity pairs sa tanong na: "Sa pagpili ng taong mamahalin, alin ba ang dapat sundin, utak o puso?"

Para sa Team ANARRA (Analyn Barro at Arra San Agustin), utak ang kanilang pinili.

"Kasi mind over matter, kaya namang kontrolin ng utak 'yung puso e," ani Analyn.

"Kaya ba talaga?" hirit ni Heart Evangelista, na ikinatawa ng lahat.

Samantala, para naman sa Team RUMI (Ruru Madrid at Mikoy Morales), puso ang kanilang sagot.

"Kasi hindi natin kayang turuan ang ating mga puso," sabi ni Ruru.

Sang-ayon din ang celebri-peeps na sina Joy Barcoma at Buboy Villar na ang puso ang dapat sundin.

"'Di ko nga mapagkatiwalaan 'yung utak ko sa exam. Pagkakatiwalaan ko pang mamahalin?," patawang sinabi ni Jusa.

May sariling hugot naman si Buboy, "Minsan 'yung utak, nabubulag tayo sa mga desisyon na dapat 'di natin ginagawa. Kaya minsan, sinasabi ng mga babae marunong ka dapat makiramdam. Kaya puso ang papairalin ko."

Ngunit dagdag niya, "Pero kung ako lang ang tatanungin, mas gugustuhin ko pusod. Mas dapat malinis ang pusod mo para mas mahalin ka nang tuluyan."

Sa naturang round, mas napulsuhan ng Team ANARRA ang boses ng People na may 68% votes sa sagot na utak.

Subaybayan ang The People Have Spoken, tuwing Sabado, 6:15 p.m. sa GMA. Mapapanood din ito via Kapuso Stream sa social media accounts ng GMA at YouLOL.

Available din ang buong episode at mga highlight clip sa GMANetwork.com at YouLOL official accounts.

Balikan ang ilan sa mga unforgettable at iconic quotes mula sa The People Have Spoken hosts at celebri-peeps, dito: