Ruru Madrid, balik-training sa Filipino martial arts
Around GMA
Around GMA
PNP sends off over 2,000 cops for 2026 ASEAN meet in Central Visayas Mga Balikbayan nga Makig-Sinulog sa Cebu, Mainitong Gisugat | Balitang Bisdak Farm To Table: Panalo sa sarap!Article Inside Page
Showbiz News
Haka-haka ng fans na may pinaghahandaan nang bagong proyekto si Ruru Madrid.
Nagbalik na si primetime action hero Ruru Madrid sa training para sa Filipino martial arts.
Sa kanyang Instagram account, ibinahagi ni Ruru ang training niya sa isang fitness center kasama si Filipino martial arts expert Ronnie Royce Base at kanyang team.
Makikita sa mga litrato na inensayo nila ang tamang stance, defense, sipa, at paggamit ng baston bilang armas na mahahalagang disiplina ng local martial arts na Laraw Kali Pamuok.
Photo: rurumadrid8 (Instagram)
Niregaluhan pa ni Lakan Ronnie si Ruru ng espesyal na t-shirt.
"Discipline. Focus. Flow. Back to the roots. Back to the grind," sulat ni Ruru sa caption ng kanyang post.
Dahil dito, haka-haka ng mga followers ni Ruru na pinaghahandaan na niya ang kanyang television comeback project.
Maging si Lakan Ronnie, nag-tease din na may exciting na dapat abangan mula sa aktor.
"Something's cooking with LKPian Brother Ruru Madrid!!! Stay tuned!!! ," sulat niya sa Instagram.
Matatandaang ilang beses na ring nag-training si Ruru sa ilalim ni Lakan Ronnie.
Magkatuwang ang dalawa sa paghahanda ni Ruru para sa fight scenes sa pangalawang season ng 2022's most-watched TV show na Lolong.
Samantala, buong August namalagi sa Canada si Ruru para sa Sparkle World Tour.
https://www.gmanetwork.com/entertainment/photos/ruru-madrid-sinalubong-ng-mga-biyaya-pag-uwi-mula-canada/24932/
Bago siya umalis, ibinahagi niyang paghahandaan na niya ang isang upcoming teleserye pagbalik niya mula dito.
