Around GMA

Article Inside Page

Umani ng panibagong nominasyon para sa kanyang husay sa pag-arte si primetime action hero Ruru Madrid.

Kabilang kasi siya sa mga nominado bilang Best Supporting Actor sa 73rd Filipino Academy of Movie Arts and Sciences (FAMAS) Awards.

Para ito sa natatangi niyang pagganap sa prison drama film na Green Bones.

Bago nito, nasungkit ni Ruru ang parangal bilang Best Supporting Actor sa 50th Metro Manila Film Festival, Movie Supporting Actor of the Year sa 53rd Box Office Entertainment Awards, at Best Supporting Actor sa 8th Entertainment Editors' Choice Awards (EDDYs).

Makakatunggali ni Ruru para sa Best Supporting Actor sina Kapuso actor at fomer PBB housemate Will Ashley para sa Balota, Joel Torre para sa Under a Piaya Moon, Sid Lucero para sa Topakk, Jhong Hilario para sa And the Breadwinner Is..., at Jeric Raval para sa Mamay.

Samantala, umani ng sampung nominasyon ang pelikulang Green Bones sa 2025 FAMAS Awards.

Kabilang dito ang Best Actor para kay Kapuso Drama King Dennis Trillo, Best Supporting Actress para kay Alessandra de Rossi, Best Director para kay Zig Dulay.

Nominado rin ang pelikula para sa Best Visual Effects, Best Sound, Best Musical Score, Best Screenplay, Best Editing, Best Picture.

Nakatakdang itatanghal ang gabi ng parangal ng FAMAS 2025 sa August 22 sa Manila Hotel.