Around GMA

Article Inside Page

Hindi mapigilan ng Kapuso Action-Drama Prince na si Ruru Madrid ang ipagmalaki ang kanyang girlfriend na si Encantadia Chronicles: Sang'gre star Bianca Umali matapos ang fight scene nito kay Kapuso actor Tom Rodriguez.

Sa recent episode ng naturang serye, sumalang ang karakter ni Bianca na si Sang'gre Terra sa isang matinding tunggalian at intense fight scenes kasama ang kapwa star sa serye na si Tom na gumaganap bilang si Gargan.

Sa exclusive interview sa Chika Minute ng 24 Oras, ibinahagi ni Ruru kung gaano siya ka-proud kay Bianca sa kinalabasan ng eksenang ito matapos ang matinding paghahanda.

“Saksi ako sa kung gaano kahirap 'yung pagbuo nitong Gargan-Terra fight scene. Actually, it's a month of preparation. Talagang siya [Bianca Umali] 'yung pumunta kina Direk Enzo [Williams], Ms. Suzette [Doctolero], Direk Rico [Gutierrez], para lang maiayos 'yung magiging fight scene. And of course, with the help of action stunt team,” pahayag ni Ruru.

Binigyan-diin pa niya ang dedication ni Bianca sa kanyang karakter at sa trabaho.

“Pagka pinapanood mo si Bianca, you'll see how dedicated she is and kung gaano niya kamahal 'yung ginagawa niya,” ani Ruru.

Matatandaan, sabay na nag-aaral ang celebrity couple ng Filipino Martial Arts na Laraw Kali Pamuok. Ayon kay Ruru, marami siyang natuklasan sa pag-aaral nito na nagamit niya sa kanyang trabaho bilang artista.

Dagdag pa niya, nais niyang panatilihing buhay ang larangan ng sining panlaban ng bansa.

“Ang dami kong na-discover na mga art na puwede rin nating ma-i-apply sa kung ano 'yung ginagawa ko sa telebisyon or sa pelikula. And at the same time, 'yung pagpe-preserve ng kultura nating mga Pilipino, 'di ba?” sabi ni Ruru.

Sa kanilang pag-aaral ng naturang Filipino Martial Arts, nakatuon si Ruru sa Panuntukan habang nagsasanay naman si Bianca sa paggamit ng sandata na balisong para naman sa self-defense.

Ibinahagi rin ni Ruru sa kanyang interview na mahalaga ang pag-aaral ng martial arts, isang paraan upang protektahan ang sarili.

“Malaking bagay din 'to sa mga kababaihang Pilipino to protect ourselves, 'di ba? Matutunan natin, lalo na sa panahon ngayon,” sabi niya.

View this post on Instagram

A post shared by Ruru Madrid (@rurumadrid8)

Panoorin ang Encantadia Chronicles: Sang'gre, 8:05 p.m. sa GMA Prime at 9:45 p.m. sa GTV.

https://www.gmanetwork.com/entertainment/tv/encantadia_chronicles_sanggre/videos/full_episodes/

Mapapanood din ito online via Kapuso Stream sa official Facebook account at YouTube ng GMA Network. Maaari ring panoorin ang full episodes sa GMANetwork.com/Sanggre.

Related Gallery: Encantadia Chronicles: Sang'gre casts behind the scenes photos