Around GMA

Article Inside Page

Ipinagdiwang ni Karylle ang kanyang kaarawan nitong Sabado (March 28) sa It's Showtime at naghatid ng heartfelt birthday performance.

Nakatanggap din ng birthday greetings ang actress-singer mula sa kanyang It's Showtime family.

Nagbigay din ng mensahe ang dalawang malapit na tao sa birthday girl na sina Ryan Bang at Amy Perez.

Ibinahagi ng Korean host na siya ay palaging nakasuporta para kay Karylle.

“Hindi ako showy kasi sabi nga Korean ako, pero everyday I listen to your radyo, I support you. Kasi inside and outside, ako 'yung proof na ikaw ay parang anghel. Sobrang bait,” ani Ryan.

Ikinuwento rin ni Ryan na si Karylle ang nagturo sa kanya kung papaano mahalin ang mga magulang niya.

Aniya, “Alam ng lahat, mahal na mahal kita. I'll always be here for you, to support you, Ate Karylle, I love you so much. Happy birthday.”

Ibinahagi naman ni Amy kung gaano siya ka-proud kay Karylle at aniya'y isang blessing ang makatrabaho siya.

“Working with you, K, lagi ko 'tong sinasabi, is such a blessing kasi talagang nakita ko 'yung love mo for OPM, 'yung love mo for live music. And not only that, si Karylle is so loving. Hindi lang sa mga kapatid niya, sa mama niya, she always makes time for them.

“Sobra ko ring na-appreciate na may nangyari mang aksidente, but it made you realize a lot of things, 'di ba. Your health, 'yung sarili mo, to take good care of yourself, and nakita ko kung paano mo 'yun vinalue at binigyan ng importansya. Kaya I'm proud of you, I love you,” saad niya.

Samantala, subaybayan ang It's Showtime tuwing Lunes hanggang Sabado, 12 noon, sa GMA at Kapuso Stream.