Around GMA

Article Inside Page

Puno ng good vibes ang recent vlog ng seasoned actress na si Gladys Reyes at nakasama niya rito ang Korean host na si Ryan Bang.

Nag-mukbang sina Ryan at Gladys sa Korean fine dining restaurant ng una na Paldo Restaurant sa Quezon City. Kabilang sa kanilang mga napag-usapan ay ang ilang It's Showtime hosts.

Nagbigay ang Cruz vs. Cruz star ng pangalan ng host at kailangan itong i-describe ni Ryan. Isa na rito ay ang Unkabogable Star na si Vice Ganda.

Ayon sa Korean host at entrepreneur, isang blessing ang seasoned actor-comedian dahil nabago nito ang kanyang buhay.

“Si Vice Ganda, blessing. She changed my life,” sagot niya.

Patuloy niya, “Sa buhay 'di ba may turning point, Vice Ganda is my turning point. After I met Vice [Ganda], [she] changed my life. Before I met Vice [Ganda], darkness, sobrang hirap. Kaya saludo ako sa mga OFW. Ang hirap nang nakatira without [your] parents.”

Itinuturing naman ni Ryan na isang sister ang Fil-Australian beauty na si Anne Curtis.

“Kapag kasama ko si Ate Anne, hindi ko alam, may magic siya e, madaldal ako e. Kapag kasama ko si Ate Karylle, si Ate Karylle sobrang madaldal. Usually I'm listening to Ate Karylle, ang daming kuwento ni Ate Karylle.

“Pero kapag kasama ko si Ate Anne, may magic si Ate Anne, nagse-share ako lahat ng sikreto ko. Ang sarap niyang kausap, si Ate Anne ang pinakamasarap kausap sa lahat,” kwento niya.

Alamin kung ano pa ang masasabi ni Ryan Bang sa kanyang kapwa hosts sa vlog ni Gladys Reyes sa ibaba.

Samantala, mapapanood si Ryan sa noontime variety show na It's Showtime tuwing Lunes hanggang Sabado, 12 noon, sa GMA at Kapuso Stream.

Bibida naman si Gladys Reyes sa upcoming GMA drama series na Cruz vs. Cruz.