Saan humuhugot ng inspirasyon si Michael V.?
Around GMA
Around GMA
Amihan, easterlies to bring cloudy skies, rains over PH on Tuesday Matibay na tulay, ipinatatayo sa Brgy. Puray ng GMA Kapuso Foundation | 24 Oras 18-year-old student arrested in Dagupan drug bustArticle Inside Page
Showbiz News
Michael V.: 'As you move forward with life na parang na-exhaust mo na lahat, you gain new experiences.'
Ginagawang bangko ng multi-awarded comedian at content creator na si Michael V. ang kanyang life experiences bilang source of inspiration.
Ito ang tinalakay niya sa kanyang interview kay GMA Integrated News showbiz reporter Nelson Canlas. Ayon sa Bubble Gang star, malaking bagay na noon ay lumaki siya sa tenement at nagtrabaho sa Navotas.
Lahad niya kaya Nelson, “Ang pinakamadali na pagkunan talaga is 'yung personal experience and I have tons of experiences. Marami akong pinagdaanan dun sa tenement, growing up, dun sa Navotas kung saan ako nagtrabaho, at saka nung nagsisimula ako sa GMA.
“Ang dami talagang inspiration. Pero as you move forward with life na parang na-exhaust mo na lahat, you gain new experiences. Thankfully dahil sa social media, nakatulong ng malaki 'yun.”
Ngayong March 11, muling pumirma ng kontrata si Direk Michael sa GMA-7 na naging tahanan na niya sa nakalipas na 28 taon.
Dumalo sa big event na ito sina GMA Network Chairman Atty. Felipe L. Gozon, President and CEO Gilberto R. Duavit, Jr. at GMA Executive Vice President and Chief Financial Officer Felipe S. Yalong.
Sinaksihan din ang contract renewal ng misis ni Bitoy na si Carolina Bunagan na siya ring manager ng award-winning showbiz personality.
Para naman kay GMA Senior Vice President for Entertainment Group Lilybeth G. Rasonable, nakakataba ng puso na marinig mismo mula kay Bitoy na nakikita niyang “forever” ang relationship niya sa Kapuso network.
Aniya, “As Bitoy said earlier 'di ba, na he doesn't see himself anywhere else. Dito na kumbaga magtutuloy-tuloy ang kanyang entertainment career. So nakakatuwa pakinggan. Actually when I heard it, sabi ko 'Wow!'
“Salamat, salamat kay Bitoy na hanggang ngayon at sa patuloy na pagtitiwala niya sa GMA.”
Ayon naman sa Kapuso ace comedian, nakaka-proud na magtatatlong dekada na siya bilang Kapuso.
Aniya, “Yun 'yung sinabi ng host na parang “generations of entertainment.” Sabi ko, 'Ilang generations na pala tayo, naka-tatlo na.' Tapos, [from] analog to digital na parang na-experience natin 'yan. So very honored at saka very proud, saka very inspired.”
Patuloy na tutukan at subaybayan si Michael V. sa iconic shows niyang Pepito Manaloto: Tuloy Ang Kuwento at Bubble Gang.
RELATED CONTENT: CAREER HIGHLIGHTS OF THE ACE COMEDIAN MICHAEL V.
