
"In love na in love" si Sang'gre actress Sanya Lopez ngayon.
Sa kanyang pagbisita sa Fast Talk with Boy Abunda noong Biyernes (February 6) kasama ang kapwa Sang'gre na sina Glaiza De Castro, Kylie Padilla, at Gabbi Garcia, inamin ni Sanya na masaya ang kanyang love life ngayon at naipakilala na rin niya ang mystery boyfriend sa kanyang co-Sang'gres.
Ipinakita rin ni Sanya kay King of Talk Boy Abunda ang diamond promise ring na bigay ng kanyang mystery boyfriend.
Tila nagbigay pa ng ibang detalye si Sanya tungkol sa guy na nagpapatibok ng kanyang puso sa pagsalang sa Fast Talk segment.
Nang tanungin kung Pinoy o foreigner, kinikilig na sagot ni Sanya, "foreigner."
Ani pa ng aktres, "in love na in love" siya, na nagpatili kina Glaiza, Kylie, at Gabbi.
Nang pakumpletuhin kay Sanya ang linyang, "Ang gusto ko sa lalaki 'yung___," sagot ng aktres, "'yung foreigner."
Dagdag pa ni Sanya, "yung mayaman."
Related content: LOOK: Sanya Lopez's prettiest photos