Around GMA

Article Inside Page

Walang sama ng loob ang Megastar Sharon Cuneta sa nangyari sa kaniya sa luxury boutique na Hermès sa South Korea. Hindi kasi pinapasok ang aktres para sana mag-shopping.

Pinag-usapan nang husto ang part three ng Seoul vlog ng actress-singer na umani na ng mahigit 1.4 million views sa YouTube.

Sa latest unboxing haul ni Sharon, idinetalye nito ang mga nangyari at binigyan-diin niya na alam niya na kailangan magpa-schedule bago makapasok sa Hermès.

Saad niya, “Once and for all, sinabi ko na sa Instagram, parang wala pong nakikinig, walang nagbabasa, kasi paulit-ulit ang kulit-kulit...

“Once and for all sabihin ko lang po, I know, of course I know that you need an appointment with an Hermès boutique before you can go...

“Because I tried in the States and I didn't have the time to go, so I didn't go. Anyway, and usually kami po mga artista at iba pang tao hindi lang po artista, pero maraming artista po kami na we have our own personal shopper.”

Pagpapatuloy ng award-winning actress, “Lahat po ng bags ko, kahit ano'ng tatak kesyo--Chanel, ke Hermes, ke Louis Vuitton, sila po ang nagpapadala sa akin ng pictures, kung ano'ng bago. Kahit ano pong tatak 'yan at minsan po naka-upo lang ako mini-makeup-an ako, nagsho-shopping na po ako nun ng kahit ano'ng gusto ko.”

Sa mga tao na nag-isip na nagalit siya sa pangyayari, nilinaw ni Sharon na balewala sa kaniya ang insidente at naiintidihan niya ang empleyado ng luxury boutique na hindi siya pinayagan makapag-shopping.

“I just wanna say hindi po ako nagalit nung 'di ako pinapasok sa Hermès, dahil nagbakasakali lang po ako na baka naman puwede, because usually pag konti lang naman ang clients sa loob 'yung shoppers, they sometimes let you in...

Source: Sharon Cuneta Network (YT)

“So, nagbakasali lang ako, cause I just really wanted a belt because, I really truthfully do not need anything more from Hermès that I don't already have. Okay na po ako sa mga bag ko, wala akong type na bagong kulay, so okay na po ako.

“'Yung iba hindi ko pa nagagamit, so hindi po ako nao-offend. Naintindihan ko agad 'yung guard, wala naman kinalaman 'yung guard. Ba't naman sasama ang loob ko.”

Itinaggi rin niya ang interpretasyon ng mga nakapanood ng vlog niya na nagyabang siya.

Kuwento ni Sharon, “Nagkataon lang, eto ang Louis Vuitton sa tapat niya, eto 'yung Hermès, ayan, nakakita na naman ako ng mga kulay na dati hindi ko nakikita sa Louis Vuitton.

“Napabili nga po ako doon, so 'pag labas namin, hindi rin ako nagyabang. Sabi ko, 'Yes, I cannot go? Cause, look I buy everything', ginanun ko lang siya, pero nakangiti ako. Tapos, 'yung siningit po ng editor ko, 'yung parte ni Julia Roberts sa Pretty Woman. Sa mga Sharonian po na-kyutan sila doon, it was cute. It wasn't meant to offend anyone.”

Tingnan ang buong paliwanag ni Sharon sa mga nangyari sa vlog niya na ito.

HERE ARE SOME OF THE MEMORABLE TRIPS OF CELEBRITIES IN SOUTH KOREA: