Sheryl Cruz, may sagot na sa naging relationship status nila ni Romnick Sarmenta
Around GMA
Around GMA
Suansing urges Senate to resume bicam on 2026 budget as soon as possible PBBM vows completion of San Juanico Bridge rehab by 2026Article Inside Page
Showbiz News
Nagkaroon nga ba ng relasyon sina Sheryl Cruz at Romnick Sarmenta noong mag-love team sila?
“Ang sabi niya, we became fond of each other. Let's just leave it at that.”
Iyan ang naging matipid na sagot ni Lilet Matias: Attorney-at-Law star na si Sheryl Cruz nang tanungin siya kung totoo bang naging sila ng kanyang '80s love team partner na si Romnick Sarmenta.
Matatandaang isa ang tambalan nina Sheryl at Romnick sa may pinakamaraming tagahanga at suporta noong '80s hanggang '90s. Kaya naman hindi nakakapagtaka kung naging usap-usapan ang totoong estado ng kanilang relasyon noon.
Sa Updated with Nelson Canlas podcast, inalala ng host kung papaanong ipinasa ni Romnick kay Sheryl ang pagsagot sa tanong na ito noong mag-guest siya. Sa parehong podcast, sinabi ni Sheryl na “'Pag madalas kayong magkasama, you get fond of each other.”
“Pero at the same time, I was very very young. I was only 15, 16 when we started becoming love team sa Seiko Films so marami kaming ginawang mga pelikula and since kami 'yung laging magkasama du'n, we grew fond of each other,” sabi ng aktres.
BALIKAN ANG "JUICY BITS" NG BUHAY PAG-IBIG AT CAREER NI SHERYL CRUZ SA GALLERY NA ITO:
Maituturing umano ni Sheryl na puppy love ang kung ano ang nagkaroon sila ni Romnick noon at sinabing hindi serious kind ng relasyon. Ngunit nilinaw niya na pinahahalagahan pa rin niya ang kung ano ang meron sila noon ng dating ka-love team.
“It's something that I cherish and something na until now, I am grateful for kasi nga kung hindi dahil doon sa loveteam namin, wala kami dito sa aming kinalalagyan. Para sa'kin, masuwerte ako dahil meron ako naging katambal na Romnick Sarmenta sa industriya,” sabi ng "Mr. Dreamboy" singer.
Sa naunang interview ni Romnick sa podcast, inamin niyang ilag siya noon kay Sheryl dahil sa pagiging showbiz royalty nito. At ayon sa aktres, kahit naman hanggang ngayon ay ilag pa rin sa kanya halos lahat ng mga katrabaho niya.
“Siguro 'yun din 'yung curiosity niya sa'kin; how normal am I a person? Siguro that was one of his curiosities bakit biglang naging interesado siya to know more about me. That's how it was, we grew fond of each other every day that we worked with each other. We look forward to that day that we work with each other kasi we get to know about each other more and more,” kuwento ni Sheryl.
Pakinggan ang interview ni Sheryl dito:
