Around GMA

Article Inside Page

Bibida sina Sparkle stars Shuvee Etrata at Anthony Constantino sa upcoming rom-com digital series na From Vlog to Love.

Sa From Vlog to Love, bibigyang-buhay nina Shuvee at Anthony ang mga karakter na sina Angge at Bullet.

Sa naganap na media conference para sa naturang serye ngayong Huwebes (September 10), ikinuwento ng lead stars ang experience nila sa pagganap ng kanilang roles.

Ayon kay Shuvee, na-enjoy niya ang karakter na si Angge dahil may pagkakapareho sila nito.

“Si Angge ay very loving apo sa kanyang lola. And masaya ako to play the role of Angge 'cause she's really similar to me. Lahat halos ng values, parehas kami. So maganda ang experience ko to play the role of Angge,” pagbabahagi niya.

Para naman kay Anthony, excited siya para sa kanyang role dahil kabilang sa kanyang paghahanda ay ang pagsasalita sa Filipino at Bisaya.

“I'm super excited for this role kasi I'm gonna be speaking some Tagalog and some Bisaya as well. I've been putting in a lot of work for that.

“Honestly, I had a lot of fun playing the role of Bullet kasi there's a lot of banter between Bullet and Angge,” kwento niya.

Dagdag pa ni Anthony, “Basically, it is what it is, From Vlog to Love. There's a lot to be shown in this digital series. We're so blessed to be able to do this together.”

Bukod kina Shuvee at Anthony, kabilang sa stellar cast ng From Vlog to Love sina Caitlyn Stave, Kiel Gueco, Christian Antolin, Marnie Lapus, Che Ramos-Cosio, at Ruby Ruiz.

Huwag palampasin ang premiere ng From Vlog to Love simula September 18 hanggang October 3, tuwing Biyernes at Sabado, sa GMA Network Youtube channel.

RELATED GALLERY: Meet the cast of the rom-com digital series 'From Vlog to Love'