Shuvee Etrata at Anthony Constantino, exclusively dating na ba?
Around GMA
Around GMA
NBA: LeBron James' 125th triple-double takes Lakers past Wizards These 36 women are competing for the 2026 Binibining Pilipinas crown AraBella: Roselle and Ara| TeaserArticle Inside Page
Showbiz News
Alamin dito ang relationship status nina Shuvee Etrata at Anthony Constantino.
Isa sa mga tambalang kinagigiliwan ngayon sa showbiz ang Huwag Kang Titingin stars na sina Shuvee Etrata at Anthony Constantino.
Nagsimula ang kanilang duo nang tawagin ni Shuvee si Anthony bilang kanyang “TDH” (Tall, Dark, and Handsome). Kalaunan, kinumpirma rin na nanliligaw ang aktor sa Kapuso actress.
Dahil sa kanilang sweet moments online, marami tuloy ang nagtatanong kung exclusively dating na nga ba ang dalawa.
Sa isang panayam sa Fast Talk with Boy Abunda, diretsahang sinagot ni Shuvee ang mga tanong tungkol sa panliligaw sa kanya ni Anthony.
"Mga 10 years more nang mahirapan siya nang mahirapan. Para makita niya lahat ng hirap," biro ng Kapuso Island Girl. "Tito Boy baka kasi 'pag sagutin 'yan, baka doon pa ma alam mo 'yun."
Dagdag pa ng aktres, mas pinipili muna nilang dalawa na huwag magmadali at ituon ang pansin sa kanilang mga career.
"There's no rush talaga Tito Boy. Gusto ko ngayon makilala siya as who he is. Anthony is really interesting as a guy, as a man. So it's for people to see na hindi na connected sa akin, gusto ko makilala siya ng tao for who he is. We're letting things be, we're not rushing," ani Shuvee.
Nang muling tanungin kung exclusively dating na sila, sinabi ng aktres: "Hindi naman ako nag-de-date ng iba, hindi din naman ako naka-focus sa iba...Siya nga, halos wala akong time sa kanya, ibang lalaki pa kaya.
"Napag-usapan na po namin 'yan and alam niya talaga na kung saan po ako mag-li-lean, mag-ga-gravitate towards, and that's really my career and my family."
Mapapanood sina Shuvee at Anthony sa upcoming horror film na Huwag Kang Titingin, ngayong April 15. Kasama rin nila sa cast sina Sofia Pablo, Allen Ansay, Marco Masa, Charlie Fleming, Michael Sager, Kira Balinger, Josh Ford, at Sean Lucas.
Bukod dito, kabilang din sila sa upcoming GMA series na The Master Cutter, kasama sina Dingdong Dantes, Max Collins, Paolo Contis, Jo Berry, Sienna Stevens, at Charlie Fleming.
Balikan ang panayam nina Shuvee Etrata at Charlie Fleming sa Fast Talk with Boy Abunda, rito:
