Around GMA

Article Inside Page

Mula sa mga natitirang Pinoy Big Brother Celebrity Collab Edition housemates, may Big Four bet ang sina Shuvee Etrata at Klarisse De Guzman o mas kilala biang duo na Team ShuKla.

Sa pagbisita nila Fast Talk with Boy Abunda nitong Huwebes, June 26, tinanong sila ni King of Talk Boy Abunda kung sino sa tingin nila ang hindi karapat-dapat makasama sa Big Four ng naturang kompetisyon.

Sagot ni Shuvee, para sa kanila ni Klarisse ay deserving naman lahat sila. Pero nang sawayin siya ni Boy, pinalitan ng Sparkle star ang kaniyang sagot, “Feel ko 'yung ShuKla kasi tinanggal sila, e, hindi nila talaga deserve.”

Pagsang-ayon naman ni Klarisse, "Yung ShuKla na lang po."

Pero si Klarisse, meron na umanong napipisil na at pinagdarasal na susunod na makapasok sa Big Four, sina Brent Manalo at Mika Salamanca o Team BreKa.

Aniya, sila ang perfect example ng collaboration sa pagitan ng Kapuso at Kapamilya housemates.

“Kasi, hindi lang po sa tasks makikita mo 'yung collaboration nila kundi kung papaano nila tinutulungan 'yung isa't isa sa personal lives,” sabi ni Klarisse.

Dagdag pa ng Kuwela Soul Diva ng Antipolo, nagtutulungan din ang BreKa duo kapag may problema ang isa't isa.

Sang-ayon naman dito si Shuvee na binigyang-pansin ang growth na naipakita nina Brent at Mika sa loob ng Bahay ni Kuya.

BALIKAN KUNG SINO-SINO ANG MGA NAGING HOUSEMATE NI KUYA SA GALLERY NA ITO:

Samantala, ipinahayag din ng ShuKla Duo na wala silang pagsisisi na naging final duo nila ang isa't isa.

Pagbabahagi pa ni Shuvee, napag-uusapan na rin nila ni Esnyr kung papaano sila magiging magaling na duo kapag nagkataon, pero pinili pa rin ng Sparkle star si Klarisse.

“I was also sure with Esnyr kasi we were talking about it po, magiging masaya, Bisaya Duo, magiging sobrang powerful daw namin together 'cause of the tasks. But like, when I was choosing, I was looking at them, si Ate Klang po talaga 'yung sinasabi ng heart ko,” saad ni Shuvee.

Hindi rin umano nag-alinlangan si Klarisse na pumayag agad maging final duo ni Shuvee. Sa katunayan, sobrang saya niya na naging huling ka-duo niya sa PBB.

“Sobrang happy ko po na 'yung naging final ka-duo ko po is someone na sobrang kasundo ko at kakampi ko,” sabi ni Klarisse.

Panoorin ang panayam kina Shuvee at Klarisse sa video sa itaas.