Shuvee Etrata, niligawan nga ba ni Joshua Garcia?
Around GMA
Around GMA
Two people killed in Brown University shooting —mayor Italian resto opens in Molito; promises 'refined but unpretentious' food Duterte calls plunder, graft raps a 'fishing expedition'Article Inside Page
Showbiz News
“It was not just the right time pero very… I'm such a fan of Joshua Garcia po.” - Shuvee Etrata
Inamin ng Sparkle actress na si Shuvee Etrata na totoong nagpadala noon ng mensahe sa kaniya si Joshua Garcia pero nilinaw niya na hindi ito nanligaw.
Matatandaan kasi na sa “Guilty or Not Guilty” segment ng The Boobay and Tekla Show noong November 2023, sinagot ni Shuvee ang tanong ng hosts kung may ni-reject na ba siyang celebrity.
“Guilty” ang naging tugon dito ni Shuvee, at ang tinutukoy niya ay ang aktor na “Joshua” na nasa seryeng Unbreak My Heart.
Ang naturang serye ay pinagbidahan noon nina Jodi Sta. Maria, Gabbi Garcia, Richard Yap, at Joshua Garcia.
Sa Fast Talk with Boy Abunda kahapon, Lunes, March 4, muling sumalang sa interview si Shuvee kasama ang kapwa Sparkle 10 member na si Ashley Ortega.
Dito ay tinanong ng TV host na si Boy Abunda si Shuvee tungkol kay Joshua.
“Idol ko po talaga 'yan si Joshua Garcia po,” unang sagot ni Shuvee.
“Nanligaw ba? Nagparamdam lang? Magkaibigan?” pag-uusisa ni Boy. .
Paglilinaw naman ng Sparkle actress, “I just wanted to clarify also kasi lumabas nga po 'yan. Hindi po nanligaw si Joshua sa 'kin. Kaganda ba? Ang ganda ko naman para ligawan ako ng isang Joshua Garcia.”
Kuwento ni Shuvee, “Hindi po siya nanligaw, nag-DM (direct message) po siya. Nung nag-DM po siya para talaga akong kinain ng lupa. Pero it was not just the right time pero very… I'm such a fan of Joshua Garcia po.”
“Pero huminto na doon?,” sumunod na tanong ni Boy.
“Opo doon lang. Isang (beses) lang,” sagot naman ng Cebuana beauty.
Ayon pa kay Shuvee, hindi niya nasagot ang mensahe sa kaniya ni Joshua dahil masyado siyang na-overwhelm.
Paliwanag niya, “Siguro po I was so overwhelmed with the fact na kaya pala ni Joshua Garcia mag-chat sa akin?
“So overwhelming sinabi ko nga po sa lahat na, (nag-chat si) ano Joshua Garcia,' pero hanggang doon lang po 'yun kasi I know my priorities now and madali lang po akong ma-in-love. Ay naku mabilis lang ako ma-in-love. Kung itutuloy ko 'yun? Naku.”
Si Shuvee ay bahagi ng Sparkle 10 na binubuo ng sampung piling mga aktres ng Sparkle GMA Artist Center. Kilala rin si Shuvee bilang Island girl sa social media dahil sa kaniyang Filipina beauty.
