Around GMA

Article Inside Page

Bumisita si Kapuso star Shuvee Etrata sa Cebu para personal na magbigay ng tulong sa mga kapwa niya Cebuano na apektado ng nakaraang lindol.

Matatandaang tumama sa Cebu ang isang magnitude 6.9 earthquake noong September 30 na siyang nag-iwan ng malawakang pinasala sa hilagang bahagi ng probinsiya.

"Noong narinig ko talaga, kinumusta ko kaagad 'yung mga family ko sa Bantayan. Upon knowing na they're okay, doon na ako nag-extend ng help sa mga taga-Bogo, sa mga taga-San Remigio. Nakakalungkot, nakakaiyak, pero I believe naman in the resilience talaga of mga Cebuano," pahayag ni Shuvee.

Bilang first female ambassador ng Boy Scouts of the Philippines, sumama si Shuvee sa relief operations ng grupo sa San Remigio, Cebu.

Bukod sa San Remigio, dumayo din siya sa Brgy. Kawit sa Medellin para magbigay ng tulong.

"Especially right now, I believe talaga that the children, the youth talaga, they have the power to change the future. Right now, I'm just here to inspire them to do good, to choose good every single day. Me helping here, extending my helping hand, this is not for a show. This is to inspire them na in times na kaya din nila, they will extend their help because that's how scouts are," lahad niya.

Hanga rin daw si Shuvee sa pagbabayanihang ipinakita ng mga Cebuano matapos ang sakuna.

"I believe in Cebuano people. I believe in their kindness. Balita ko nga noong dumating 'yung earthquake, all the people from the south, from the city, pumunta talaga, nag-traffic pa talaga. It makes my heart warm. It makes my heart so happy knowing na Cebuano ako. Nakaka-proud maging Cebuano. Wow, dito ako lumaki," bahagi ng aktres.

SILIPIN ANG PAKIKIISA NI SHUVEE ETRATA SA RELIEF OPERATIONS NG BOY SCOUTS OF THE PHILIPPINES SA CEBU DITO:

Panoorin ang buong ulat ni Nikko Sereno para sa 24 Oras sa video sa itaas.