Around GMA

Article Inside Page

Thankful si Shuvee Etrata sa mga humanga sa kanyang fight scenes sa Encantadia Chronicles: Sang'gre.

Noong Lunes (August 18), napanood ang paghaharap nina Veshdita (Shuvee Etrata) at Terra (Bianca Umali) sa mundo ng mga tao.

Kasama ni Veshdita ang Ovlar (heneral) ng Mine-a-ve na si Olgana (Bianca Manalo) na nagpunta sa mundo ng mga tao para hanapin ang Sang'greng tagapagligtas. Bukod kay Terra, nakaharap din nila sa laban si Sang'gre Pirena (Glaiza De Castro).

Sa interview ng GMA Integrated News, sinabi ni Shuvee na na-challenge siya sa kanyang fight scenes sa Sang'gre.

"Naging challenge talaga siya sa akin. So ginawa [ko] po lahat ng workshops sa Sparkle, [umattend] ako ng action workshops. Masaya ako na nagbunga naman siya. Naging sobrang ganda ng mga fight scenes sa Encantadia," sabi ni Shuvee.

"Naalala ko 'yung times na 'to ang dami kong pasa pasa. Ito na 'yung mga times na pinaghirapan po namin 'to lahat sa Encantadia na mapaganda talaga 'yung mga fight scenes with Terra."

Dagdag pa ni Shuvee, marami pang action scenes na mapapanood sa Sang'gre. "More pa, sobrang dami n'yo pang mapapanood."

Abangan si Shuvee Etrata bilang Veshdita sa Encantadia Chronicles: Sang'gre, weeknights, 8:00 p.m. sa GMA Prime at 9:45 p.m. sa GTV.

Mapapanood din ito via Kapuso Stream sa official Facebook account at YouTube ng GMA Network. Maaari ring panoorin ang full episodes sa GMANetwork.com/Sanggre.

MAS KILALANIN SI SHUVEE ETRATA SA GALLERY NA ITO: