Siri, the dog who played Serena in 'Sherlock Jr.' passes away
Around GMA
Around GMA
Cloudy skies, rains to prevail on Christmas Day Bagong steel hanging bridge, handog ng GMA Kapuso Foundation sa Rodriguez, Rizal | 24 Oras Hospitals activate Code White on Christmas EveArticle Inside Page
Showbiz News
"For our final trick together, we will touch your heart and possibly make you shed a tear." - Coach Francis
Pumanaw na ang talented dog actor na si Siri, ang gumanap bilang Serena sa drama crime series na Sherlock Jr. nitong Linggo, June 9.
Inanunsyo ng kaniyang coach sa Instagram ang pagpanaw ni Siri, kalakip ang kanilang "final trick."
Caption niya sa post, “For our final trick together, we will touch your heart and possibly make you shed a tear.”
“At 1:25 PM today, our beloved doggo daughter, best friend, dog actor, teacher, adventurer, and wonder dog, surrounded by friends and family, bid her farewell. Goodbye, Serena,” pagpapatuloy niya.
“Run free, Siri,” naman ang mensahe ng pakikiramay ng ilang netizens kay Dog Coach Francis Cleofas at Irene. Ang isa sa mga nag-comment, nagpasalamat pa kay Siri sa pagtuturo nito sa sarili nilang pet ng pagiging calm and patient.
Sa isang post ni Coach Francis noong May 28, ipinaalam niyang ilang buwan na silang nagpapabalik-balik sa veterinarian kasama si Serena.
Aniya, “Taking care of senior dogs has become something so meaningful. It can be tiring and more worrisome (and costly) but it's something we can actually be proud of.”
Sa isa pang post, ipinakita naman ni Coach Francis ang picture ni Siri habang nasa vet sila. Caption niya, “Wish this was for a teleserye but it's real life. ER Vet visit.”
Tingnan ang post ni Coach Francis dito:
Sa post ni Coach Francis kahapon, June 10, sinabi niya, “Let's do one more trick Siri.”
BALIKAN ANG PHOTOS NI SIRI KASAMA ANG CAST NG 'SHERLOCK JR.' DITO:
Nakasama ni Siri sa serye noon sina Ruru Madrid, Gabbi Garcia, Janine Gutierrez, Andre Paras, at Aiai Delas Alas. Sa isang video na pinost ng GMA Drama sa Facebook, sinabi ng mga aktor ang kanilang experience na makasama si Siri sa set.
Para kay Ruru, sobrang saya umano makasama si Siri sa set noon, at sinabing ito ang kaniyang happy pill.
“Hindi natin maiiwasan mapagod dahil punong-puno ng aksyon 'yung show namin, siya 'yung nagpapagaan ng loob ko. Siya 'yung ano ko e, happy pill. So parang siya 'yung kailangan ko du'n para mawala lahat ng pagod ko,” sabi ng aktor.
Para naman kay Gabbi, isa umano sa mga nilu-look forward niya sa tapings ang ang makita si Serena. Aniya, nakakapagpagaan ng feeling sa set at nakakabawas ng pagod tuwing nakikipagbonding siya dito.
Panoorin ang video nila rito:
