Around GMA

Article Inside Page

Grateful at masaya sa pagkapanalo niya sa The Voice si Sofronio Vasquez kaya naman paghahandaan na niya ang pagtupad ng iba pa niyang pangarap.

Sa online interview kay Sofronio ni Nelson Canlas para sa 24 Oras Weekend nitong Linggo, December 15, sinabi ng pinakabagong kampeon ng The Voice na maaaring nakatulong ang pagiging Pilipino niya sa kaniyang pagkapanalo.

“As a Pinoy, naniniwala tayo sa mga pampasuwerte at nagamit ko talaga 'yung pagka-Pilipino na magalang at marespeto,” sabi ng singer.

Malaki rin umano ang pasasalamat ni Sofroio sa kumpyansa at tiwala na ibinigay sa kaniya ng kaniyang coach, ang Canadian singer-songwriter na si Michael Bublé.

“He told me to just believe in the process and not rush everything,” pag-alala ni Sofronio.

MAS KILALANIN PA SI SOFRONIO SA GALLERY NA ITO:

Sa ngayon ay nasasabik nang umuwi si Sofronio para makita at makapiling ang kaniyang pamilya. Ngunit paglilinaw ng Pinoy singer, hindi dito natatapos ang pagtupad niya sa kaniyang pangarap.

Aniya, susunod niyang tutuparin ang dream project niyang kumanta sa isang malaking stadium at kalaunan ay manalo naman sa Grammy Awards.

Kinilala si Sofronio bilang The Voice grand Champion nitong December 10, oras sa US. Siya ang kauna-unahang Asian at Pilipino na nanalo sa naturang patimpalak kaya't lalong gumawa ng ingay ang kaniyang pagkapanalo.

Mensahe ni Sofronio sa kaniyang kapwa Pilipino, “To all the Filipinos out there, maraming maraming salamat po sa suporta niyo. To my hometown--Utica, New York, you guys are the best. Thank you so much, I can't wait to go home and celebrate and bring the trophy."

Panoorin ang buong report dito: