Around GMA

Article Inside Page

Gaya ng ibang magulang, hindi rin pabor ang celebrity mom na si Solenn Heussaff na magkaroon agad ng gadgets ang mga anak nila ni Nico Bolico na sina Tili at Maëlys. Sa katunayan, kung maaari ay hindi niya bibigyan ng gadgets ang kanyang mga anak hanggang mag-18 umano sila.

Sa Fast Talk with Boy Abunda nitong Huwebes, ibianhagi ni Solenn na isa siyang “chill” na nanay. Hindi umano siya sobrang strikto dahil mas mahigpit ang asawa niyang si Nico sa mga bagay-bagay.

“Depende on what we're talking about. Siyempre like nutritions, super strict siya. Ako, I'm more like 'Okay, I'll treat you with an ice cream at the end of the day if you were good to me all day.' Ganu'n, kasi minsan parang napaka-chaotic ang maging nanay,” sabi ni Solenn.

Pagabahagi ni Solenn, hindi rin niya pinapalo ang mga bata ngunit meron silang time outs kapag may nagagawang mali. Dagdag pa ng celebrity mom, hindi rin siya naniniwala sa gentle parenting na sinubukan naman niya noon, ngunit hindi umano epektibo.

RELATED CONTENT: TINGNAN ANG FAMILY VACATION TRIP NINA SOLENN SA SIARGAO NOONG 2025 SA GALLERY NA ITO:

Hindi rin umano pinapayagan ni Solenn na magkaroon o hayaang gumamit ng gadgets ang kaniyang mga anak. Sabi ng aktres patunkgol kay Tili, “She doesn't know Instagram, she doesn't have an iPad, she's six na, hindi ako nag-ga-gadgets sa kanila. Wala and wala never. Their first phone, maybe at 18, 19. Kung may pager, baka pager pUwede muna. Pero iPad, I don't want.”

Paliwanag ni Solenn, may mga pagkakataon na isinasama siya ni Nico sa restaurant nito kung saan nakikita niya ang mga pamilyang kumakain. Ngunit napansin umano niya na halos lahat ay nakatutok lang sa cellphones at gadgets.

“Honestly, everytime, I see all the families having dinner together but not together, 'yung dad nasa phone, 'yung mom, nasa phone, 'yung isang baby, nasa iPad, 'yung mas maliit, nanonood ng parang TV,” sabi ni Solenn.

Pag-amin ng aktres, na-frustrate siya sa nakikita dahil tila paiksi na nang paiksi ang attention span ng mga tao, bagay na sinasamantala ng malalaking kumpanya.

“We just want that short-term dopamine, and it's really horrible that these multi-million dollar companies, that's what they're selling, they're trying to make us over-stimulated, and if we don't get stimulated, then we get bored, and when we get bored, we wanna do something else. And there's no attention span of people nowadays,” sabi ni Solenn.

Aminado naman si Solenn na maraming magandang naidulot ang teknolohiya, kung gagamitin lang ito sa tama.