Solenn Heussaff, 'very natural' ang transition mula 'it girl' papuntang motherhood
Around GMA
Around GMA
BSP on watch for global oil price shock’s impact on inflation, economy Amat-amat na nga nadula ang malamig nga hangin dala sang amihan | One Western Visayas 'Make Your Marc' celebrates its Season 3 launch with an unforgettable prize for two!Article Inside Page
Showbiz News
Para kay Solenn Heussaff, ang pagiging 'it girl' ay hindi dahil sa fashion sense, kundi dahil sa strong friendship na meron sila.
Mula sa pagiging “it girl” noon, very natural umano ang transition ni Solenn Heussaff papunta sa pagiging nanay, lalo na at sabay-sabay naman ang naging journey nila ng kaniyang mga kaibigan sa motherhood.
Kinilala si Solenn at iba pang mga socialites noong 2000s tulad nina Anne Curtis, Georgina Wilson, Isabelle Daza, Liz Uy, Bea Soriano-Dee, at Martine Ho bilang it girls. Kilala sila dahil sa kanilang fashion sense, glamorous lifestyle, at matibay na pagkakaibigan.
“Very natural naman kasi I think all of us naman kinda entered motherhood at the same time. Lahat kami nakasal, actually almost all the same [time], within two years, and we all had our kids, they're all medyo the same age,” sabi ni Solenn sa Fast Talk with Boy Abunda nitong Huwebes, tungkol sa kaniyang pagiging it girl.
Dagdag pa ng aktres, “We're all kind of evolving at the same time. So 'pag may mga problema, 'pag may mga tanong, we all have each other talaga and that's the great thing.”
TINGNAN ANG MATIBAY NA PAGKAKAIBIGAN NG TINAGURIANG IT GIRLS SA GALLERY NA ITO:
Ngunit pag-amin din ng celebrity mom, hindi nila alam ng mga kaibigan kung ano nga ba ang ibig sabihin ng maging isang it girl. Aniya, ang paniniwala nila sa pagiging it girl ay pagkakaroon ng natural friendship.
“Kasi natural friendship, no competition kasi usually, kapag puro babae, baka may cat fights, may competitions, but we all pull each other up, we all look up to each other. So parang if Georgina's doing something great, parang 'Oh, she's capable of doing that.' Ako rin, capable,” sabi ni Solenn.
Ayon kay King of Talk Boy Abunda, para matawag ang isang tao bilang “it girl,” ito ay “somebody hot, some of the most desired young women in the country. You look at them kung ano'ng mga isinusuot, that kind of stuff.”
Ngunit kung ito umano ang batayan para maging it girl, hindi papasa si Solenn lalo na at hindi naman siya fashionista. Saad pa ng aktres, nagbibihis lang siya para sa showbiz events pero sa regular na buhay niya, madalas ay naka t-shirt, shorts, jeans, at rubber shoes lang siya.
Sa halip, ang paniniwala ng aktres, “For me, it's really about the friendship. I think people think we're friendship goals.”
Panoorin ang panayam kay Solenn dito:
