Around GMA

Article Inside Page

Isa sa strongest contenders sa The Voice Generations para sa Pinoy rock icon coach na si Chito Miranda ang all-female group na Sorority mula sa Cebu.

Ang nasabing grupo ay binubuo nina Jacky Chang, Aki Omega, Kayla Barrientos, Aine Abella, DJ Mae Dente, at Cheska Rojas.

Isa ang Sorority sa mga natitirang grupo ng talents sa team ni Coach Chito na Parokya Ni Chito na pasok na sa Battle Round ng naturang competition.

Sa isang panayam, ibinahagi ni Aine kung bakit naiiba ang Sorority sa iba pang girl group.

Aniya, “I think Sorority is different from the other girl groups. It's because Sorority is not only strong as a group but we are also strong as individual artists po.”

Bukod kasi sa pagiging mang-aawit, hilig din ng ilan sa miyembro nito ang sports at pagsali sa beauty pageants. Sa katunayan, si DJ ay isang black belter ng karate habang si Aine ay varsity ng table tennis. Ang bunso sa grupo na si Cheska, nanalong Little Miss Philippines first runner-up noon kung saan nakasama niya ang TV host na si Ryzza Mae Dizon.

Kumpiyansa rin si Aine, na mapagtatagumpayan nila ng kanilang grupo ang pagsali nila ng The Voice Generations.

“We've waited for this opportunity individually for so long and none has come to us individually, but as a group, here comes The Voice Generations. Actually, in here doing this, we're not saying if we win this, it's when we win this,” ani Aine.

Sa kanilang naging pagsalang sa Blind Auditions, kinanta nila ang sikat na awiting “Lady Marmalade” kung saan napaikot nila ang kanilang coach na si Chito.

Pagdating sa Sing-Off round, inawit naman ng grupo ang kantang “I'm Every Woman” na muling nagpahanga kay Chito at maging sa iba pang coaches na sina Billy Crawford, Julie Anne San Jose, at Stell.

Reaksyon ng Sorority sa magagandang feedback ng coaches, “It's proof that even if you are independent on your own, you can still be with a strong group of women and work together and be productive and show the world that women can work together.”

Ayon kay Coach Chito, para na siyang nanood ng performance ng superstars sa ipinakita ng Sorority.

Aniya, “Para talaga akong nanood ng mga professional, para silang superstars, parang super group na sila e. Parang wala na nga akong tinuro sa kanila e, ang galing lang e. I'm so proud to have them on my team.”

Dagdag pa ni Chito, isa ang Sorority sa strongest contenders sa The Voice Generations, “O, ako lang ang umikot pero kita niyo naman, for me, isa sila sa strongest contenders and I'm so happy na hindi sila umikot kasi the girls have no choice but to choose me.”

“I hope na na-appreciate din nila na ako 'yung naging coach nila,” sabi pa ng Pinoy rock icon coach.

Ang The Voice Generations ay ang newest spin-off ng biggest singing competition sa mundo na The Voice mula sa ITV Studios.

Napapanood ito for the first time hindi lamang sa Pilipinas kung 'di pati na rin sa buong Asya via GMA Network.

Tutukan ang The Voice Generations tuwing Linggo, 7:35 p.m. pagkatapos ng BBLGANG.