Around GMA

Article Inside Page

Isang cute at unexpected video ang ibinahagi ni beauty queen and dancer Sugar Mercado kamakailan.

Sa kanyang Instagram account, mapapanood na kasama niyang sumasayaw si veteran broadcast journalist at Magpakailanman host Mel Tiangco.

Umiindak si Sugar at Tita Mel sa trending song na "Hawak Mo Ang Beat."

"Ang tunay na may hawak ng beat tita Mel, Humanda kayo. 28years napag bigyan tayo sumayaw tita Mel. loveyou po," sulat ni Sugar sa caption ng kanyang post.

Tila nagpahiwatig din siy na mapapanood ang kanyang life story soon sa Magpakailanman.

Bukod dito, kinunan din ang kanilang dance video sa studio kung saan ini-interview ni Tita Mel ang mga tunay na taong nagbabahagi ng kuwento ng kanilang buhay sa real-life drama anthology.

"Abangan sa [magpakailanman] #AllGloryToGod #MAGPAKAILANMAN," sabi ni Sugar sa kanyang post.

View this post on Instagram

A post shared by Sugar Mercado (@masugarmercado7)

Samantala, nananatiling kontrobersiyal ang kantang "Hawak Mo Ang Beat" dahil marami ang naniniwalang nilikha ito gamit ang generative artificial intelligence o AI.

Lumantad naman si Sylvain Hernandez o DJ Mogo, Isang French national na nakatira sa Pilipinas, na siya raw ang composer ng awit.

Iginigiit din niyang hindi siya gumamit ng AI sa paggawa ng kanta.

"No any part of the song was generated by AI. Authentic, 100 percent made with my hands and my love for the Philippines. I just want people to focus on the music itself. If you like the beat and the energy, then tara, let's dance on it. Let's enjoy it," lahad ni DJ Mogo sa isang interview.

Gayunpaman, marami pa rin hindi kumbinsido sa kanyang mga pahayag.