Sa panahong ang isang mahal sa buhay ay pumanaw, nagkikita at nagsasama muli ang pamilya para magdamayan sa kanilang pagluluksa. Pero, hindi ganito ang nangyari sa magkapatid na sina Rafa at Erra na gagampanan nina Sunshine Cruz at Tuesday Vargas.
Pumanaw si Kuya Doods, kaya naman umuwi mula Canada si Rafa para tulungang mag-asikaso ng burol at libing si Erra. Ang problema, dati pa ay ayaw na nila sa isa’t isa, at tanging si Kuya Doods lamang ang nakakapagpabati sa kanila.
Magawa kayang kalimutan nina Erra at Rafa ang kanilang alitan para sa kapayapaan ni Kuya Doods, o kailangang ang namayapa ang bumisita sa kanila?
Huwag palampasin ang Halloween special ng Dear Uge ngayong Linggo, October 30, pagkatapos ng Sunday PinaSaya.
