Around GMA

Article Inside Page

Sa pagpapatuloy ng “Four-ever ang Tawa, Four-ever ang Saya” anniversary episodes ng Family Feud, tapatan ng Sports vs. E-Sports naman ang ating masasaksihan.

Ngayong Martes, March 17, mapapanood ang diverse talents ng household name sa collegiate basketball at undisputed kings of the virtual world.

Tampok sa The Rivero Family ang former UP Fighting Maroon standout, actor, model, and professional basketeer na si Ricci Rivero. Makakasama ni Ricci ang kaniyang mga kapatid na sina Ashton, Rasheed, at Prince Rivero. Isa itong rare televised moment dahil magsasama-sama ang magkakapatid para ipanalo ang kanilang chosen charity.

PHOTO SOURCE: Family Feud

Sa Aurora Gaming PH, magpapakita ng husay ang world-class experts and multi-award-winning champions ng MOBA phenomenon Mobile Legends: Bang Bang (MLBB).

Maglalaro bilang captain ang strategic mastermind Head Coach na si Aniel 'Master the Basics' Jiandani. Makakasama niya ang legendary gamers na sina Dylan 'Light' Catipon, Edward Jay Dapadap, at Jonard 'Demonkite' Caranto.

Ang mga MVP na ito ay kilalang E-sports icons dahil sa kanilang lightning-fast reflexes and split-second decision-making.

Abangan ang "Slam Dunk" at "Epic Win" moments sa Family Feud ngayong March 17, 5:35 p.m. sa GMA at sa Kapuso Stream.

Patuloy pa rin ang mas pinalawak na “Guess More, Win More” promo ng Family Feud. Network-wide na ang bigayan ng papremyo dahil kasali na rin sa "Guess More, Win More" ang GMA Afternoon Prime at GMA Prime programs na Hating Kapatid, House of Lies, Apoy sa Dugo, Fast Talk with Boy Abunda, Delightfully Deceitful, Encantadia Chronicles: Sang'gre at Never Say Die.