'The Voice Kids' first four-chair turner Sofia Mallares wins hearts
Around GMA
Around GMA
Dennis Trillo amid AACA 2025 win for 'Green Bones': 'Importante, matuto 'yung mga tao sa kuwento' Son of viral PUJ driver hired by DPWH after passing board exam GMA Pinoy TV Supports OFW Empowerment at the 17th PHILSME Business ExpoArticle Inside Page
Showbiz News
Pinag-agawan ng 'The Voice Kids' coaches ang unang first four-chair turner ng season na si Sofia Mallares.
Trending online ang performance ng The Voice Kids contestant na si Sofia Mallares noong Linggo, September 14.
Sa pilot episode pa lang ng programa, buena mano ng four-chair turn si Sofia na umawit ng "Ako Naman Muna" sa blind auditions round.
First line pa lang ng kanyang pagkanta, umikot na agad ang coaches na sina Paolo at Miguel ng Ben&Ben, na sinundan ni Zack Tabudlo.
Halos magkasabay namang iniikot nina Julie Anne San Jose at Billy Crawford ang kanilang upuan para kay Sofia.
Na-enjoy ng apat na coaches ang performance ni Sofia dahil sa kontrol ng kanyang boses at pinag-agawan pa ang kalahok. Pero sa huli, si coach Zack ang pinili nito.
"I'm really, really proud and honored to have you in Project Z," mensahe ng singer-songwriter kay Sofia.
Maging ang netizens ay nabighani sa magandang boses ng young talent.
Ang video ng kanyang performance na in-upload sa Facebook page ng The Voice Kids Philippines ay umani ng mahigit 15 million views sa loob lamang ng isang araw.
Sa unang gabi ng blind auditions, may tig-isang talent din sina Ben&Ben at Billy na napunta sa kanilang team. Samantala, dalawa naman ang napunta sa team ni Julie.
Mapapanood ang The Voice Kids tuwing Linggo. 7:00 p.m. pagkatapos ng Bubble Gang sa GMA at Kapuso Stream.
BALIKAN ANG WINNING MOMENTS NG THE VOICE KIDS REIGNING CHAMP NA SI NEVIN GARCENIEGO.
