Around GMA

Article Inside Page

Isa raw sa maiuuwi ni Kapuso actress Thea Tolentino mula sa GMA Telebabad series na Mano Po Legacy: The Flower Sisters ay ang mga bagong kaibigan.

Dahil napipinto na finale ng show ngayong gabi, January 13, ibinahagi ni Thea na grateful siya sa nabuong mga samahan dito.

"Mapa on cam or off cam, talagang naging close kaming lahat, lalo na kaming magkakapatid--ang flower sistes. Si ate Aiko [Melendez], si ate Beauty [Gonzalez], si Angel [Guardian], talagang naging close kami. Kahit natapos na 'yung taping, nagkikita kita pa rin kami," kuwento ni Thea.

Gumanap si Thea sa show bilang Dahlia, isa sa apat na Chua sisters. Kakaiba ang role na ito sa nakasanayan niya dahil imbis na kontrabida, very meek at docile ang karakter niya.

Nagpapasalamat si Thea sa mainit na pagtanggap ng mga manonood sa kanilang programa.

"Maraming-maraming salamat po at talagang sinubaybayan niyo ang kuwento ng aming magulong pmalya dito sa 'Mano po legacy: The Flower Sisters.' Sana po ay may natutunan kayo at talagang hanggang dulo ay hindi kayo bumitaw. Maraming maraming salamat po at sana po patuloy niyo pa ring suportahan kaming lahat," aniya.

Samantala, isang unexpected twist ang dapat abangan sa big finale ng Mano Po Legacy: The Flower Sisters.

Abangan ito ngayong gabi, January 13, 8:50 p.m. sa GMA Telebabad.

Panoorin din ang exclusive livestream nito sa GMANetwork.com/KapusoStream o kaya ay sa GMA Network app.