Around GMA

Article Inside Page

Enjoy at feel na feel ni Tom Rodriguez ang pagganap bilang ang Bathala ng Kadiliman na si Gargan sa GMA superserye na Encantadia Chronicles: Sang'gre.

Ayon kay Tom, "kinikilig at blessed" siya sa pagkakataon na napasama sa mundo ng Encantadia dahil pinanood din niya noon ang Encantadia 2016.

"Laging may kilig factor, whether 'yung mga Kambal-Diwa, 'yung new gen Sang'gres, OG Sang'gres, everytime I get to have scenes with them, laging may kilig factor," sabi niya sa interview kay Nelson Canlas ng 24 Oras.

"Kasi before, viewer ako ng 2016. Ngayon, I get to be part of the lore somewhat. I feel blessed. Kahit sa costume ni Gargan may kilig factor na 'Wow! Trabaho 'to...' That's a blessing."

Nagbigay rin si Tom ng spoiler sa susunod na mangyayari sa Sang'gre, lalo na ngayong nagkaroon na ng pangitain si Nunong Imaw sa pagkawasak ng buong Encantadia at pagkuha ni Gargan sa mga Brilyante.

"Nandito po kami sa mundo ng mga tao, pero susugod na kami sa Encantadia, sa aking pinakamumuhiang lupain," pagbabahagi ni Tom.

Ikinuwento rin ni Tom na malapit sa kanyang puso ang Encantadia Chronicles: Sang'gre, dahil dito napapanood siya sa telebisyon ng kanyang anak na si Korben. Nagkaroon din ng pagkakataon ang aktor na isama sa set ang kanyang anak.

"May isa kaming taping na fight scene namin ni Bianca, so I asked if my family can see it para they get a glimpse of what I do. Nakita niya ako for the first time, in person, and hindi siya takot at all. It was a cool experience."

Abangan si Tom Rodriguez bilang Gargan sa Encantadia Chronicles: Sang'gre, 8:05 p.m. sa GMA Prime at 9:45 p.m. sa GTV.

Mapapanood din ito online via Kapuso Stream sa official Facebook account at YouTube ng GMA Network. Maaari ring panoorin ang full episodes sa GMANetwork.com/Sanggre.

Related: 'Encantadia Chronicles: Sang'gre' cast's behind-the-scenes photos