
Isang musical father-daughter story ang tampok sa weekend anthology series na Regal Studio Presents.
Bibida sina Cassy Legaspi at Chuckie Dreyfus sa episode na pinamagatang "My Father's Song."
Si Chuckie ay si Jay, isang musician na mas pinili ang pagbabanda kaysa kanyang pamilya. Sa kasamaang palad, hindi naman siya naging successful sa kanyang career.
Si Cassy naman ang anak niyang si Michelle na malapit nang mag-migrate sa Canada kasama ang nanay nito.
Gusto sana ni Jay na makapiling ang anak bago ito tuluyang umalis ng Pilipinas. Pero may hinanakit si Michelle sa ama dahil sa pag-iwan nito sa kanya ilang taon na ang nakalilipas.
May pagkakataon pa bang magkaayos ang mag-ama?
Abangan ang kuwentong 'yan sa "My Father's Song," July 30, 4:15 p.m. sa Regal Studio Presents.
Mapapanood naman ang livestream nito sa GMANetwork.com/KapusoStream.
SILIPIN ANG ILANG EKSENA NG EPISODE SA GALLERY NA ITO: