Sa dami nang blessings at opportunities na natanggap ni Ruby Rodriguez bilang isang dabarkad, marahil ay wala nang hihigit pa sa pagkakatong dito niya makilala ang kanyang kabiyak.
Sa ‘Dabarkads’ Amazing True Love Stories,’ ang special segment ng Eat Bulaga para sa Valentine’s Day, ibinahagi ni Ruby na sa programang ito niya unang nakilala si Mark Aquino.
Kauuwi pa lamang daw ni Mark mula sa US nang maimbita siyang magtrabaho sa set ng Eat Bulaga.
Kuwento ni Ruby, “Kinuha siya to assist kasi magaling talaga siya. And then dapat for a while lang siya kasi babalik na siya, kinuha siya dito sa [Eat] Bulaga. Eh di syempre doon ko siya nakita. Nagwapuhan ako sa kanya, tapos malay ko ba, ang gaganda ng mga kasama ko eh, you know.”
Si Direk Poochie raw ang naging tulay para magkakilala ang dalawa.
“‘Yun na nga, niloloko nila ako pati si Joey at saka si Vic. Ako na lang daw walang boyfriend nung time na ‘yun. Sabi ni Joey sa akin, ‘Uy Ruby, nakita mo na ‘yung writer? Ang pogi!’ Kasi nga ang pogi niya talaga so lahat napansin siya. So kami tinitignan-tignan lang namin, ‘Onga, ang pogi.’ ‘Yun, ‘yun na ‘yun,” patuloy niya.
Sa lahat ng magagandang ala-ala nilang mag-asawa, ang hindi raw makakalimutan ni Ruby ay noong mag-propose na sa kanya si Mark.
Aniya, “Nakaupo lang ako tapos nag-rest room siya. Pagbalik niya, hindi usual na may ganun (binubuksang red box). Binunot lang niya tapos ginanun (pinakita) niya s akin. Syempre nagulat ako tapos sabi niya, ‘Will you marry me?’ Eh di syempre sabi ko, ‘Yes.’ Tapos sabi niya, sinuot niya sa akin, ‘This does not mean that we get married tomorrow or like in a month or so. We’ll prepare for it and then you let me know if you’re ready.’ Ganda ko doon, ‘di ba!”
MORE ON RUBY RODRIGUEZ:
LOOK: Ruby Rodriguez reunites with Dayanara Torres
IN PHOTOS: Ruby Rodriguez, Toni Aquino and family's white Christmas abroad
LOOK: 15 Pinay celebs na chubby pero pretty
