Ipinalabas ng GMA Network ang unang Miss World Philippines Coronation Night noong Linggo (Setyembre 18) na ginanap sa Philippine International Convention Center (PICC) Plenary Hall. <p>Ipinalabas ng GMA Network ang unang Miss World Philippines Coronation Night noong Linggo (Setyembre 18) na ginanap sa Philippine International Convention Center (PICC) Plenary Hall.</p>
<p>Itinanghal na Miss World Philippines 2011 si Gwendolyn Ruais na siyang magiging kinatawan ng bansa sa Miss World Pageant na gaganapin sa London, England sa Nobyembre.</p>
<p>Napatunayan ni Gwen, ang pinakamatangkad sa lahat ng kandidata, na hindi lamang ang kanyang 5’11” height ang dahilan kung kaya siya nagwagi. Naniniwala siyang ang kanyang passion, desire at drive na manalo ang naging susi sa kanyang tagumpay.</p>
<p>Bilang premyo, nakatanggap si Gwen ng Php 1,000,000.00 cash at isang condominium unit mula SM Development Corporation (SMDC). Nagkaroon din siya ng Php 50,000.00 cash nang napanalunan niya ang Best in Swimsuit award. Bukod sa mga nabanggit, itinanghal ding Miss Healthy Body at Miss Smart Extraordinary si Gwen.</p>
<p>Kasama ni Gwen sa final 5 sina 1st Princess Helen Nicolette Henson (Miss Metro Dental Smile), 2nd Princess Martha Chloe McCulley (Miss Kapuso World at Miss SMDC), 3rd PrincessMa. Paula Bianca Paz (Best in Evening Gown) at 4th Princess Jaysel Arrozal.
<p>Samantala, ang ibang kandidatang nakatamo ng special recognition sa pageant ay sina: Rogelie Catacutan (Miss Friendship at Miss Talent), Samantha Neville Purvor (Miss Photogenic at Miss Manny O’ Wines), Jayanne Aldanese (Miss Philippine Prudential Life Insurance), Erina Ann Lightholder (Miss Shimmian Award), Richelle Therese Borja (Miss Sheridan) at Loucellede Jesus (People’s Choice Award).</p>
<p>Sa direksyon ni Louie Ocampo, nagsilbing hosts ng event sina <a href=http://www.igma.tv/profile/dingdong-dantes><u>Dingdong Dantes</u></a>, Isabelle Daza at <A href=http://www.igma.tv/profile/carla-abellana><u>Carla Abellana</u></a> at nagtanghal naman ang Kapuso singer na si Mark Bautista. Inawit ni Mark ang Miss World Philippines theme song na nilikha ni Louie Ocampo at ng tanyag na theater at concert director na si Freddie Santos.
</p>
<p>Marami ang natuwa sa special participation ni <a href=http://www.igma.tv/profile/aljur-abrenica><u>Aljur Abrenica</u></a> sa swimsuit presentation ng mga kandidata. Inawit niya ang “Magkaugnay” sa music video na kinunan pa sa Puerto Princesa Underground River sa Palawan.</p>
<p>Ang hurado ng pageant na idinerehe ni Louie Ocampo ay sina: GMA Network Senior Vice President for Entertainment, Wilma Galvante; People’s Champ at Saranggani Rep. Manny “Pacman” Pacquiao; award-winning actress Iza Calzado; Calata Corporation Chairman at CEO, Joseph Calata; Etihad Airways Regional Vice President, Cramer Ball; Superbrands Chairman, Karl Mclean; Belo Medical Group CEO, Vicki Belo; hairstyle and makeup icon, Fanny Serrano; at ang asawa ni Supreme Court Justice Renato Corona, Ma. Cristina Corona.</p>
<p>Ipinamalas din ng Miss World Philippines ang Filipino artistry sa Evening Gown Competition. Magiliw na inirampa ng mga kandidata ang gowns na likha ng iba’t ibang Filipino fashion designers. Sa 25 evening gowns, ang likha ni Delby Bragais na suot ni Gwen ang nakatanggap ng Best Fashion Design award.</p>
<p>Samahan si Gwen sa kanyang paglalakbay bilang bagong beauty queen at suportahan ang Pilipinas sa nalalapit na Miss World Pageant ngayong November. --<i>Text and photo courtesy of GMA Network</i></p>
