Around GMA

Article Inside Page

Mga kilalang mahuhusay sa kantahan ang maghaharap sa ikatlong araw ng month-long anniversary blowout ng Family Feud!

Ngayong Miyerkules, March 4, maghaharap sa survey board ang Team Bautista at Team World Class sa pagpapatuloy ng “four-ever ang tawa, four-ever ang saya” episodes ng Family Feud.

Ang Team Bautista ay pinangungunahan nina Asia's Romantic Balladeer Christian Bautista at pop heartthrob na si Mark Bautista.

Kasama rin sa Team Bautista si Kat Ramnani, ang CEO ng kanilang talent management at mas kilala bilang better half ni Christian, pati si Dr. Rianel Bautista, isang dentista at supportive aunt ni Mark.

PHOTO SOURCE: Family Feud

Maglalaro naman sa Team World Class ang grupo ng young artists na kamakailan lang ay nagdala ng karangalan sa Pilipinas sa international stage.

Tampok sa kanilang lineup si Arabelle de la Cruz, ang “Laguna Diva” at kauna-unahang nagwagi sa Veiled Cup sa South Korea. Kasama rin ang The Clash star at Veiled Cup semifinalist na si Garrett Bolden, ang reigning grand champion ng The Clash Season 6 na si Jong Madaliday, at ang multi-talented alumnus ng The Clash na si Vilmark Viray.

Exciting showdown ang masasaksihan sa bagong “four-ever ang tawa, four-ever ang saya” episode ng Family Feud ngayong March 4, 5:40 p.m. sa GMA.

Abangan din ang Veiled Cup: Galing ng Pinoy! ngayong Sabado, March 7, 4:45 PM sa GMA.

Huwag kalimutang sumali sa mas pinalawak na “Guess More, Win More” promo ng Family Feud. Network-wide na ang bigayan ng papremyo dahil kasali na rin sa "Guess More, Win More" ang GMA Afternoon Prime at GMA Prime programs na Hating Kapatid, House of Lies, Apoy sa Dugo, Fast Talk with Boy Abunda, Delightfully Deceitful, Encantadia Chronicles: Sang'gre at Never Say Die.