Vic Sotto, Maine Mendoza forever na ang pagiging mag-ama
Around GMA
Around GMA
Unang Hirit Livestream: December 17, 2025 Dawn fire razes 7 houses in Estancia, Iloilo Japanese lifestyle brand unveils limited edition 'Evangelion' merch collectionArticle Inside Page
Showbiz News
Para kay Vic Sotto, tinuturing na niyang 'anak-anakan' si Maine Mendoza matapos nilang gumawa ng ilang proyekto kung saan sila ay gumanap bilang mag-ama.
Nagsimula sa Eat Bulaga, napunta sa Daddy's Gurl hanggang sa pelikulang Jack Em Popoy ay mag-ama ang gagampanan nina Vic Sotto at Maine Mendoza.
Dahil dito, maituturing ni Vic na "forever" niya nang anak-anakan si Maine na dadagdag sa listahan ng mga artistang lumaki kasama siya.
IN PHOTOS: Mga anak-anakan ni Vic Sotto sa showbiz
Aniya, “Kasi si Maine, halos lahat ng roles na ginampanan naming dalawa, mag-tatay. As a matter of fact, nagpirmahan na kami ng kontrata eh, parati kaming mag-tatay eh.
“Nakikita ko sa kanya na parang anak na talaga eh,” dagdag ni Vic.
Makakasama rin nina Vic at Maine sa Jack Em Popoy sina Ryzza Mae Dizon, Baby Baste, Jose Manalo, Ryza Cenon, Wally Bayola, Paolo Ballesteros at Tirso Cruz III.
Mapapanuod sa mga sinehan ang Jack Em Popoy simula December 25 ngayong taon at kabilang din ito sa Metro Manila Film Festival.
