Vice Ganda, masayang nakilala ang Swiss boyfriend ni Bela Padilla
Around GMA
Around GMA
Pope Leo warns over use of AI in the military CNU grads top licensure exams for teachers Maluhong ina, TINITIPID ang anak at asawang may sakit! | Barangay Love StoriesArticle Inside Page
Showbiz News
Puno ng kilig ang It's Showtime studio sa pagbisita ng kasintahan ni Bela Padilla, na si Norman Bay.
Hindi maitago ang kilig ng It's Showtime hosts at madlang Kapuso nang makilala nila ang surprise guest ni Bela Padilla sa studio.
Sa patok na segment na "And The Breadwinner Is," nakisaya sa hulaan ang charming Swiss-Italian boyfriend ng aktres na si Norman Bay.
Kahit simple lang ang porma ng foreigner, kuhang-kuha nito ang puso ng audience dahil sa kanyang charming looks.
"Sana pinapakilala mo ko Bela doon sa [jowa] mo," biro ni Vice Ganda nang makita si Norman sa tabi. "At tsaka sana sinasabi mo halos pareho kami ng buhok."
"Actually, tinerno ko nga kayong dalawa," sagot ni Bela habang pinagmamasdan ang parehong hairstyle nina Vice at Norman.
Lumakas ang tilian ng madlang audience nang pinapunta si Norman on stage. Hindi rin mapigilan ni Bela ngumiti sa tuwa habang nahihiya rin ito sa kantiyawan ng mga host sa kanila.
"Hi Norman! Nice to meet you. My name is Anne Curtis," patawang nagpakilala si Vice.
"Hoy! Hindi totoo iyan!" sigaw ni Bela.
"Hindi naman niya alam, sige na," pakiusap ni Vice. " Oh sige, mag ki-Kim Chiu na lang ako. Hi I'm Kim Chiu."
Marami naman ang napa- "aaww" nang kinausap na ni Vice si Norman bilang matalik na kaibigan ni Bela.
"I really heard a lot of things about you, wonderful things about you. As Bela's friend, I'm very happy to meet you and I'm very happy that Bela found you," sabi ni Vice.
"That's super sweet. Thank you," masayang sagot ni Norman.
Related gallery: Bela Padilla reunites with Swiss-Italian boyfriend Norman Bay in Italy
Habang tumagal ang usapan nina Vice at Norman, kinilig ang Unkabogable Star dahil siya raw ang dahilan kung bakit pinapanood ni Norman ang It's Showtime.
"He watches Showtime on time," ipinagmalaki ni Bela.
"Really? Thank you very much. Why? Because of Bela? Even if Bela is not here, please watch It's Showtime," ani Vice.
"Because of you, (Vice)" hirit ni Norman.
"Because of me? Well, I get that a lot but.." sinabi ni Vice habang kinikilig.
Game na game rin ang Swiss-Italian guest na makipag kulitan kasama ang mga host. Sinubukan nya rin kumain ng authentic Pinoy street food kagaya ng isaw.
Kahit hindi niya maintindihan karamihan sa sinasabi ng breadwinnerables sa programa, tinulungan pa din niya si Klea Pineda hulaan ang totoong breadwinner na street food vendor.
Subaybayan ang It's Showtime, Lunes hanggang Sabado, 12 noon, sa GMA at Kapuso Stream.
